അഹമ്മദാബാദ്: മോദി സമുദായത്തെ അവഹേളിച്ചെന്ന കേസില് കോണ്ഗ്രസ് നേതാവും എംപിയുമായ രാഹുല്ഗാന്ധിക്ക് രണ്ടുവര്ഷം തടവും 15,000 രൂപ പിഴയുമാണ് സൂറത്ത് ചീഫ് ജുഡീഷ്യല് മജിസ്ട്രേറ്റ് കോടതി ശിക്ഷ വിധിച്ചത്. രാഹുലിന് കോടതി ഇടക്കാല ജാമ്യം അനുവദിച്ചു.
ശിക്ഷാവിധി കേള്ക്കാന് രാഹുല് ഗാന്ധി അടക്കമുള്ളവര് കോടതിയിലെത്തിയിരുന്നു.
2019 ല് ലോക്സഭാ തിരഞ്ഞെടുപ്പ് സമയത്ത് കര്ണാടകത്തിലെ കോളാറില് തിരഞ്ഞെടുപ്പ് പ്രചരണ യോഗത്തില് സംസാരിക്കവെയാണ് മോദി സമുദായത്തെക്കുറിച്ച് രാഹുല് പരാമര്ശിച്ചത്. എല്ലാ കള്ളന്മാരുടെയും പേരില് മോദി ഉണ്ടെന്ന രാഹുലിന്റെ പരാമര്ശമാണ് വലിയ വിവാദമായത്. ഈ പരാമര്ശം മോദി സമുദായത്തില്പ്പെട്ടവര്ക്ക് അപകീര്ത്തികരമാണെന്ന് ചൂണ്ടിക്കാട്ടി ബിജെപി നേതാവും സൂറത്തില് നിന്നുള്ള എംപിയുമായ പൂര്ണേഷ് മോദിയാണ് പരാതി നല്കിയത്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
