കര്ക്കിട മാസത്തില് ആരോഗ്യ സംരക്ഷണത്തിനായി ജീരക കഞ്ഞി കുടിക്കുന്നത് വളരെ ഉത്തമമാണ്. അഞ്ച് ദിവസം, ഏഴുദിവസം, 14 ദിവസം ഇങ്ങനെ ജീരക കഞ്ഞി കുടിക്കുന്നത് വളരെ നല്ലതാണ്. ജീരക കഞ്ഞി വളരെ എളുപ്പതില് രുചികരമായി തയ്യാറാക്കാവുന്ന ഒന്നാണ്.
ആവശ്യമുള്ള സാധനങ്ങള്
ഉണക്കല്ലരി- ഒരു കപ്പ്
ജീരകം -കാല് കപ്പ്
തേങ്ങാപ്പാല്- ഒന്നര കപ്പ്
മഞ്ഞള്പ്പൊടി-മൂന്ന് നുള്ള്
ഉപ്പ്- ആവശ്യത്തിന്
തയ്യാറാക്കുന്നവിധം;
ഉണക്കല്ലരി നന്നായി കഴുകിയെടുക്കുക. ഒരു പാത്രത്തിലോ കുക്കറിലോ ഇട്ട് അരി വെള്ളമൊഴിച്ച് നന്നായി വേവിക്കുക. ഇതിലേക്ക് ജീരകം അരച്ചത് ചേര്ത്ത് നന്നായി ഇളക്കുക. ഈ സമയം കഞ്ഞിക്ക് ആവശ്യമുള്ള വെള്ളവും ആവശ്യത്തിന് ഉപ്പും ചേര്ത്ത് നന്നായി തിളപ്പിക്കുക, ശേഷം ഇതിലേക്ക് തേങ്ങാപാല് ചേര്ത്തുകൊടുക്കുക.ഒന്ന് തിളവരുമ്പോള് കഞ്ഞി വാങ്ങി വെക്കാം. ചൂടോടെ കുടിക്കാം.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
