കോട്ടയം: ജില്ലയില് ആരോഗ്യ പ്രവര്ത്തകര്ക്കിടയില് കൊവിഡ് വ്യാപനം രൂക്ഷം. കോട്ടയം മെഡിക്കല് കോളേജിലെ 12 ഡോക്ടര്മാര്ക്ക് കൊവിഡ് സ്ഥിരീകരിച്ചു. സര്ജറി, പള്മനറി മെഡിസിന് വിഭാഗത്തിലെ ഡോക്ടര്മാര്ക്കാണ് കൊവിഡ് സ്ഥിരീകരിച്ചിരിക്കുന്നത്. ഡോക്ടര്മാര്ക്കിടയില് കൊവിഡ് വ്യാപനം രൂക്ഷമായ സാഹചര്യത്തില് ആശുപത്രിയിലെ ശസ്ത്രക്രിയകളടക്കം വെട്ടിക്കുറയ്ക്കാനാണ് തീരുമാനം. അതേ സമയം അടിയന്തിര ശസ്ത്രക്രിയകള് ഒഴിവാക്കില്ലെന്ന് അധികൃതര് അറിയിച്ചിട്ടുണ്ട്. ആശുപത്രിയില് സന്ദര്ശകര്ക്ക് നിയന്ത്രണം ഏര്പ്പെടുത്തിയിട്ടുണ്ട്.
കോട്ടയം ജില്ലയില് 973 പേര്ക്കാണ് രോഗം സ്ഥിരീകരിച്ചിരിക്കുന്നത്. 272 പേര് രോഗമുക്തി നേടുകയും ചെയ്തിട്ടുണ്ട്. 961 പേര്ക്കും സമ്പര്ക്കം മൂലമാണ് കൊവിഡ് ബാധിച്ചിട്ടുള്ളത്. 5194 പരിശോധനാ ഫലങ്ങളാണ് ഇന്ന് ലഭിച്ചത്. അതേസമയം 18.73 ശതമാനമാണ് ജില്ലയിലെ ടെസ്റ്റ് പോസിറ്റിവിറ്റി നിരക്ക്.
