തിരുവനന്തപുരം: ഇരുചക്രവാഹനങ്ങളില് കുട്ടികളെ കയറ്റുന്നത് സംബന്ധിച്ച് ഉയര്ന്നുവന്നിരിക്കുന്ന ആശങ്ക കേന്ദ്രത്തെ അറിയിക്കുമെന്ന് ഗതാഗതമന്ത്രി ആന്റണി രാജു. അടുത്തമാസം പത്തിന് ചേരാനിരിക്കുന്ന ഉന്നതതല യോഗത്തില് മോട്ടോര് വാഹന നിയമ ഭേദഗതി വരുത്താന് ആവശ്യപ്പെടുമെന്നും കേന്ദ്രസര്ക്കാറിന്റെ നിയമമാണ് നടപ്പിലാക്കുന്നതെന്നും പുതിയ നിയമമാണ് സംസ്ഥാനം നടപ്പാക്കുന്നതുമെന്ന ആശങ്കയാണ് ജനങ്ങള്ക്കെന്നും മന്ത്രി പറഞ്ഞു.
എഐ ക്യാമറയ്ക്കെതിരെ പരാതി വന്നതുകൊണ്ട് ഒരു പദ്ധതിയും നിര്ത്തിവെയ്ക്കാന് കഴിയില്ലെന്ന് ഗതാഗതമന്ത്രി പറഞ്ഞു. മുന് ജോയിന്റ് ട്രാന്സ്പോര്ട്ട് കമ്മീഷണര്ക്കെതിരായ പരാതിയില് വിജിലന്സ് അന്വേഷണത്തിന് ഗതാഗത വകുപ്പാണ് ശുപാര്ശ ചെയ്തത്.
മോട്ടോര് വാഹന നിയമ ഭേദഗതി കേന്ദ്രസര്ക്കാരാണ് നടത്തേണ്ടതെന്നും പുതുതായി ഒരു നിയമവും സംസ്ഥാന സര്ക്കാര് കൊണ്ടുവന്നിട്ടില്ലെന്ന് ആന്റണി രാജു വ്യക്തമാക്കി. ഇക്കാര്യത്തില് അടുത്തമാസം ചേരുന്ന ഉന്നതതല യോഗത്തിന് ശേഷം ഇക്കാര്യത്തില് അന്തിമ തീരുമാനമുണ്ടാകുമെന്നും മന്ത്രി വ്യക്തമാക്കി.
