കോഴിക്കോട്: നിപയുടെ സാഹചര്യത്തില് അതീവ ജാഗ്രത പാലിക്കേണ്ടതിനാല് ജില്ലയില് കുട്ടികളുടെ സുരക്ഷിതത്വം ഉറപ്പാക്കാന് നടപടികളുമായി ജില്ലാ ഭരണകൂടം. ജില്ലയിലെ വിദ്യാഭ്യാസ സ്ഥാപനങ്ങളില് സെപ്റ്റംബര് 18 മുതല് ഇനിയൊരു ഉത്തരവുണ്ടാകുന്നതു വരെ ക്ലാസുകള് ഓണ്ലൈനിലൂടെ നടത്തുമെന്ന് ജില്ലാ കലക്ടര് എ ഗീത ഉത്തരവിറക്കി. തുടര്ച്ചയായ അവധി കാരണം വിദ്യാര്ത്ഥികളുടെ അധ്യയനം നഷ്ടമാകാതിരിക്കാനാണ് പുതിയ ക്രമീകരണം ഏര്പ്പെടുത്തിയത്.
ട്യൂഷന് സെന്ററുകള്, കോച്ചിങ് സെന്ററുകള് എന്നിവ ഉള്പ്പെടെ എല്ലാ വിദ്യാഭ്യാസ സ്ഥാപനങ്ങളിലും ക്ലാസുകള് ഓണ്ലൈന് സംവിധാനത്തില് നടത്തണമെന്ന് ഉത്തരവില് പറയുന്നു. വിദ്യാര്ത്ഥികളെ ഒരു കാരണവശാലും വിദ്യാഭ്യാസ സ്ഥാപനങ്ങളിലേക്ക് വരുത്താന് പാടില്ല.
അങ്കണവാടികള്, മദ്രസ്സകള് എന്നിവയുള്പ്പെടെയുള്ള സ്ഥാപനങ്ങളിലും വിദ്യാര്ത്ഥികള് എത്തിച്ചേരേണ്ടതില്ല. പൊതു പരീക്ഷകള് മാറ്റമില്ലാതെ തുടരും. ജില്ലയിലെ പരീക്ഷകള് മാറ്റിവയ്ക്കുന്നത് സംബന്ധിച്ച് സര്ക്കാര് നിര്ദേശം ലഭ്യമാകുന്ന മുറയ്ക്ക് നടപടികള് സ്വീകരിക്കുമെന്നും കലക്ടര് അറിയിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
