HIGHLIGHTS : Chance of heavy rain in the state today; Orange alert in six districts
തിരുവനന്തപുരം: സംസ്ഥാനത്ത് ഇന്നും അതിശക്തമായ മഴയ്ക്ക് സാധ്യത. തിരുവനന്തപുരം ഒഴികെയുള്ള 13 ജില്ലകളിലും ഇന്ന് മഴ മുന്നറിയിപ്പുണ്ട്. ആറ് ജില്ലകളില് ഇന്ന് ഓറഞ്ച് അലര്ട്ടാണ്. ഇടുക്കി, തൃശൂര്, മലപ്പുറം കോഴിക്കോട്, കണ്ണൂര് കാസര്കോട് ജില്ലകളിലാണ് ഇന്ന് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
ഇന്ന് വടക്കന് ജില്ലകളില് കൂടുതല് ശക്തമായ മഴ കിട്ടിയേക്കും.
മണ്സൂണ് പാത്തി കൂടുതല് തെക്കോട്ട് നീങ്ങിയതും ജാര്ഖണ്ഡിനും പശ്ചിമ ബംഗാളിനും മുകളിലായുള്ള ന്യൂനമര്ദ്ധവുമാണ് ശക്തമായ മഴ തുടരാന് കാരണം.
അറബിക്കടലില് നിന്നുള്ള കാലവര്ഷ കാറ്റും ശക്തമാണ്. ശക്തമായ, ഉയര്ന്ന തിരമലകള്ക്ക് സാധ്യത ഉള്ളതിനാല് തീരദേശവാസികള് ജാഗ്രത പാലിക്കണം. മത്സ്യത്തൊഴിലാളികള് കടലില് പോകരുത്. മലയോരമേഖലകളിലും പ്രത്യേക ജാഗ്രത വേണം.