HIGHLIGHTS : Actress assault case: Crime branch allowed to check memory card
കൊച്ചി: നടിയെ ആക്രമിച്ച കേസിലെ മുഖ്യ തെളിവായ വിഡിയോ ദൃശ്യങ്ങള് അടങ്ങിയ മെമ്മറി കാര്ഡ് പരിശോധിക്കാന് ക്രൈം ബ്രാഞ്ചിനു ഹൈക്കോടതിയുടെ അനുമതി. പരിശോധനാനുമതി തള്ളിയ വിചാരണക്കോടതി ഉത്തരവിനെതിരെ ക്രൈം ബ്രാഞ്ച് നല്കിയ ഹര്ജിയില് ഹൈക്കോടതി സിംഗിള് ബഞ്ചിന്റേതാണ് ഉത്തരവ്. ശാസ്ത്രീയ പരിശോധന വേണ്ടെന്ന വിചാരണക്കോടതി ഉത്തരവ് റദ്ദാക്കി.
രണ്ട് ദിവസത്തിനകം കാര്ഡ് സംസ്ഥാന ഫൊറന്സിക് ലാബിലേക്ക് അയയ്ക്കണം. കാര്ഡ് അനധികൃതമായി തുറന്നോ എന്നതിനു തെളിവായി ഹാഷ് വാല്യൂ മാറിയോ എന്ന് അന്വേഷിക്കാം.
അന്വേഷണം ആവശ്യമില്ലെന്ന ദിലീപിന്റെ വാദം ഹൈക്കോടതി തള്ളുകയും ചെയ്തു. പരിശോധന ഏഴു ദിവസത്തിനകം പൂര്ത്തിയാക്കി റിപ്പോര്ട്ട് മുദ്രവച്ച കവറില് സമര്പ്പിക്കാം.