ഗവേഷണ പരിശീലനം
ബ്രയോഫൈറ്റുകളുടെ വര്ഗീകരണവും പരിസ്ഥിതി ശാസ്ത്രവും എന്ന വിഷയത്തില് ഗവേഷകര്ക്കായി കാലിക്കറ്റ് സര്വകലാശാലാ സസ്യശാസ്ത്ര പഠനവിഭാഗം പരിശീലന പരിപാടി സംഘടിപ്പിക്കുന്നു. ബോട്ടണി പഠനവിഭാഗം സെമിനാര് ഹാളില് 16-ന് രാവിലെ 10 മണിക്ക് തുടങ്ങുന്ന പരിപാടി പ്രൊ വൈസ് ചാന്സലര് ഡോ. എം. നാസര് ഉദ്ഘാടനം ചെയ്യും. വിദ്യാര്ഥികള്, ഗവേഷകര്, അധ്യാപകര് എന്നിവര്ക്കായി നടത്തുന്ന പരിപാടിയില് വിദഗ്ധര് ക്ലാസെടുക്കും. ബുധനാഴ്ച വൈകീട്ട് നാലിന് നടക്കുന്ന സമാപനച്ചടങ്ങില് വൈസ് ചാന്സലര് ഡോ. എം.കെ. ജയരാജ് മുഖ്യാതിഥിയാകും.
‘കര്മശാസ്ത്ര പഠനങ്ങള്’ പ്രഭാഷണം
കാലിക്കറ്റ് സര്വകലാശാലാ സി.എച്ച്. ചെയര് ഇന്ത്യയിലെ കര്മശാസ്ത്ര പഠനങ്ങളെക്കുറിച്ച് പ്രഭാഷണം സംഘടിപ്പിക്കുന്നു. 18-ന് രാവിലെ 10 മണിക്ക് സി.എച്ച്. ചെയര് ഹാളില് നടക്കുന്ന പരിപാടിയില് നെതര്ലാന്റ്സ് ലൈഡന് സര്വകലാശാലയിലെ ഗവേഷകനും പ്രമുഖ സാമൂഹിക ശാസ്ത്രജ്ഞനുമായ ഡോ. മഹ്മൂദ് കൂരിയ പ്രഭാഷണം നടത്തും.
ഓഡിറ്റ് കോഴ്സ് പുനഃപരീക്ഷ
കാലിക്കറ്റ് സര്വകലാശാലാ പ്രൈവറ്റ് രജിസ്ട്രേഷന് 2020 പ്രവേശനം ബിരുദ വിദ്യാര്ത്ഥികളില് 1 മുതല് 4 വരെ സെമസ്റ്റര് ഓഡിറ്റ് കോഴ്സ് ഓണ്ലൈന് പരീക്ഷ എഴുതാന് സാധിക്കാത്തവര്ക്കുള്ള പുനഃപരീക്ഷ 18-ന് നടക്കും. സ്ട്രീം ചേഞ്ച് വഴി റഗുലര് കോളേജുകളിലേക്ക് മാറിയവര്ക്കും പുനഃപരീക്ഷയില് പങ്കെടുക്കാം. പരീക്ഷയുടെ വിശദമായ ഷെഡ്യൂളും ഓണ്ലൈന് ലിങ്കും വെബ്സൈറ്റില്.
പരീക്ഷ
എസ്.ഡി.ഇ. മൂന്നാം സെമസ്റ്റര് പി.ജി. നവംബര് 2022 റഗുലര് പരീക്ഷകള് ജൂണ് 1-ന് തുടങ്ങും.
പുനര്മൂല്യനിര്ണയ ഫലം
എസ്.ഡി.ഇ. ഒന്നാം സെമസ്റ്റര് ബി.എ. മള്ട്ടിമീഡിയ നവംബര് 2020 റഗുലര് പരീക്ഷയുടെ പുനര്മൂല്യനിര്ണയ ഫലം പ്രസിദ്ധീകരിച്ചു.
