കഫ് ആന്റ് കാർണിവലിന് തുടക്കമായി
കാലിക്കറ്റ് സർവകലാശാലാ വിദ്യാർഥി യൂണിയൻ സംഘടിപ്പിക്കുന്ന സിനിമാ പ്രദർശനവും കാർണിവലും ( കഫ് ആന്റ് കാർണിവൽ ) തുടങ്ങി. കാലിക്കറ്റ് സർവകലാശാലാ ഇ.എം.എസ്. സെമിനാർ കോംപ്ലക്സിൽ നടക്കുന്ന സിനിമാ പ്രദർശനത്തിൽ വിദ്യാർഥികൾക്കും പൊതുജനങ്ങൾക്കും പങ്കെടുക്കാം. രാവിലെ 10, ഉച്ചക്ക് 2, വൈകീട്ട് 6 എന്നീ സമയങ്ങളിലാണ് സിനിമാ പ്രദർശനം. ചെവ്വാഴ്ച രാവിലെ 10 മുതൽ വൈകീട്ട് 5 വരെ വാഹന പ്രദർശനവും റാലിയും നടക്കും. വൈകീട്ട് നാലുമണിക്ക് നടക്കുന്ന പ്രത്യേക സെഷനിൽ ബാബുരാജ് ഭഗവതി, മുഹമ്മദ് മുസ്തഫ എന്നിവർ വിഷയങ്ങൾ അവതരിപ്പിക്കും. രാത്രി 8 മണിക്ക് ഗോൾഡൻ ജൂബിലി ഓപ്പൺ സ്റ്റേജിൽ ഫാഷൻഷോ അരങ്ങേറും. 18-ന് ഉച്ചക്ക് 12 മുതൽ വൈകീട്ട് 6 വരെ സ്റ്റുഡന്റസ് ട്രാപ്പിൽ വിവിധ മത്സരങ്ങൾ നടത്തും. വൈകീട്ട് നാലു മണിയുടെ പ്രത്യേക സെഷനിൽ സമദ് മങ്കട സംസാരിക്കും. രാത്രി 8 മണിക്ക് ബോഡി ഷോ അരങ്ങേറും. ചൊവ്വ, ബുധൻ ദിവസങ്ങളിൽ രാത്രി വിവിധ സാംസ്കാരിക പരിപാടികളും ഡി.ജെ. സംഗീതവുമുണ്ടായിരിക്കുമെന്ന് വിദ്യാർഥി യൂണിയൻ ചെയർ പേഴ്സൺ പി.കെ. ഷിഫാന അറിയിച്ചു.
റേഡിയോ സിയു: സൗണ്ട് റെക്കോഡിസ്റ്റ് വാക് – ഇൻ – ഇന്റർവ്യൂ
കാലിക്കറ്റ് സർവകലാശാലാ ക്യാമ്പസ് റേഡിയോയിൽ ( റേഡിയോ സിയു ) കരാറടിസ്ഥാനത്തിൽ സൗണ്ട് റെക്കോഡിസ്റ്റ് നിയമനത്തിനുള്ള വാക് – ഇൻ – ഇന്റർവ്യൂ സെപ്റ്റംബർ 23-ന് നടക്കും. ഒരു ഇ.ടി.ബി. സംവരണ ഒഴിവാണുള്ളത്. യോഗ്യത : അംഗീകൃത ബി.എ. / ബി.എസ് സി. ബിരുദം, മൾട്ടിമീഡിയ / സർട്ടിഫൈഡ് സൗണ്ട് എഞ്ചിനീയറിങിലുള്ള ഡിപ്ലോമ, സൗണ്ട് എഡിറ്റിംഗിലോ സൗണ്ട് റെക്കോർഡിങിലോ ഉള്ള രണ്ട് വർഷത്തെ പ്രവൃത്തി പരിചയം, സൗണ്ട് എഡിറ്റിംഗ് സോഫ്റ്റ്വെയറിൽ പരിജ്ഞാനം. ഉയർന്ന പ്രായപരിധി 40 വയസ്. താത്പര്യമുള്ളവർ മതിയായ രേഖകൾ സഹിതം രാവിലെ 9.30-ന് സർവകലാശാലാ ഭരണകാര്യാലയത്തിൽ ഹാജരാകണം. വിശദമായ വിജ്ഞാപനം വെബ്സൈറ്റിൽ.
എൻ.എസ്.എസ്. ഗ്രേസ് മാർക്ക്: 22 വരെ രേഖപ്പെടുത്താം
അഫിലിയേറ്റഡ് കോളേജുകളിലെ ( CBCSS – 2023 പ്രവേശനം ) ഇന്റഗ്രേറ്റഡ് പി.ജി. വിദ്യാർഥികളിൽ എൻ.എസ്.എസ്. ഗ്രേസ് മാർക്കിന് അർഹരായവരുടെ വിവരങ്ങൾ രേഖപ്പെടുത്തുന്നതിനുള്ള ലിങ്ക് കേന്ദ്രീകൃത കോളേജ് പോർട്ടലിൽ സെപ്റ്റംബർ 22 വരെ ലഭ്യമാകും.
ഓഡിറ്റ് കോഴ്സ്: സ്റ്റാറ്റസ് 19 വരെ രേഖപ്പെടുത്താം
അഫിലിയേറ്റഡ് കോളേജുകളിലെ ഏഴ്, എട്ട് സെമസ്റ്റർ (CBCSS – 2020 പ്രവേശനം) ഇന്റഗ്രേറ്റഡ് പി.ജി. റഗുലർ വിദ്യാർഥികളുടെ ഓഡിറ്റ് കോഴ്സ് സ്റ്റാറ്റസ് ( പാസ് / ഫെയിൽ ) രേഖപ്പെടുത്തുന്നതിനുള്ള ലിങ്ക് സെപ്റ്റംബർ 15 മുതൽ 19 വരെ ലഭ്യമാകും.
ഒറ്റത്തവണ റഗുലർ സപ്ലിമെന്ററി പരീക്ഷ
എല്ലാ അവസരങ്ങളും നഷ്ടമായവർക്കുള്ള അഞ്ചാം സെമസ്റ്റർ (2009 സ്കീം – 2014 പ്രവേശനം) പാർട്ട് ടൈം ബി.ടെക്. സെപ്റ്റംബർ 2024 ഒറ്റത്തവണ റഗുലർ സപ്ലിമെന്ററി പരീക്ഷകൾ ഒക്ടോബർ 15-ന് തുടങ്ങും. കേന്ദ്രം : ടാഗോർ നികേതൻ, സർവകലാശാലാ ക്യാ മ്പസ്. വിശദമായ സമയക്രമം വെബ്സൈറ്റിൽ.
പരീക്ഷാഅപേക്ഷ
പ്രൈവറ്റ് രജിസ്ട്രേഷൻ അഞ്ചാം സെമസ്റ്റർ ( CBCSS – UG ) ബി.കോം. അഡീഷണൽ സ്പെഷ്യലൈസേഷൻ 2025 – നവംബർ 2025 റഗുലർ പരീക്ഷകൾക്ക് പിഴ കൂടാതെ 22 വരെയും 200/- രൂപ പിഴയോടെ 24 വരെയും അപേക്ഷിക്കാം. ലിങ്ക് 16 മുതൽ ലഭ്യമാകും.
പരീക്ഷാഫലം
സർവകലാശാലാ എഞ്ചിനീയറിങ് കോളേജിലെ (ഐ.ഇ.ടി.) ആറാം സെമസ്റ്റർ (2019 മുതൽ 2022 വരെ പ്രവേശനം) ബി.ടെക്. ഏപ്രിൽ 2025 റഗുലർ / സപ്ലിമെന്ററി / ഇംപ്രൂവ്മെന്റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഒക്ടോബർ ഒന്ന് വരെ അപേക്ഷിക്കാം.
പി.ജി. ഡിപ്ലോമ ഇൻ റീഹാബിലിറ്റേഷൻ സൈക്കോളജി ഏപ്രിൽ 2025 റഗുലർ പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 25 വരെ അപേക്ഷിക്കാം.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
