മുതിര്ന്ന കമ്യൂണിസ്റ്റ് നേതാവ് ബര്ലിന് കുഞ്ഞനന്തന് നായര് അന്തരിച്ചു. 96 വയസ്സായിരുന്നു. ആറുമണിയോടെ കണ്ണൂര് നാറത്ത് വീട്ടില് വെച്ചാണ് അന്ത്യം. ഏറെനാളായി അസുഖബാധിതനായി ചികിത്സയിലായിരുന്നു.
1958 ല് റഷ്യയില് പോയി പാര്ട്ടി സ്കൂളില് നിന്ന് മാര്ക്സിസം ലെനിനിസത്തിലും രാഷ്ട്രീയ മീമാംസയിലും ബിരുദമെടുത്തു. 1959 ല് സോവിയറ്റ് കമ്യൂണിസ്റ്റ് പാര്ട്ടിയുടെ കോണ്ഗ്രസില് പങ്കെടുത്തു. 1965 ല് ബ്ലിറ്റ് സ് ലേഖകനായി. ന്യൂ ഏജ്, ദേശാഭിമാനി, നവയുഗം, നവജീവന്, ജനയുഗം പത്രങ്ങളില് എഴുതി. ബര്ലിനില് നിന്ന് കുഞ്ഞനന്തന് നായര് എന്ന പേരില് ലേഖനങ്ങള് എഴുതാന് തുടങ്ങിയതോടെ ബര്ലിന് കുഞ്ഞനന്തന് നായരായി.
1935 ല് കല്യാശേരിയില് രൂപം കൊണ്ട ബാലസംഘത്തിന്റെ ആദ്യ പ്രസിഡന്റായിരുന്നു. 1939 ല് കമ്യൂണിസ്റ്റ് പാര്ടിയില് അംഗമായി. 1940 ലെ മൊറാഴ സംഭവവുമായി ബന്ധപ്പെട്ട് ജയിലില് കഴിഞ്ഞു. 1943 ലെ കമ്യൂണിസ്റ്റ് പാര്ടി സംസ്ഥാന സമ്മേളന പ്രതിനിധിയായി. മുംബൈയില് നടന്ന ഒന്നാം പാര്ടി കോണ്ഗ്രസിലെ ഏറ്റവും പ്രായം കുറഞ്ഞ പ്രതിനിധിയായിരുന്നു. കമ്യൂണിസ്റ്റ് പാര്ട്ടി പിളര്ന്നപ്പോള് സിപിഐ എമ്മിനൊപ്പം നിന്നു . 57 ല് ഇഎംഎസ് പാര്ട്ടി അഖിലേന്ത്യ സെക്രട്ടറി ആയപ്പോള് പ്രൈവറ്റ് സെക്രട്ടറി ആയിരുന്നു അദേഹം.
