നടിയെ അക്രമിക്കുന്ന ദൃശ്യങ്ങള് മെമ്മറി കാര്ഡില് നിന്നു ചോര്ന്നതില് ശാസ്ത്രീയ പരിശോധന വേണമെന്ന പ്രോസിക്യൂഷന് ആവശ്യത്തില് വിചാരണ കോടതി ഇന്ന് തീരുമാനം എടുത്തേക്കും. പ്രോസിക്യൂഷന് ഇന്ന് ഹൈക്കോടതിയില് അപ്പീല് നല്കും. മെമ്മറി കാര്ഡിന്റെ ഹാഷ് വാല്യു മാറിയതില് അന്വേഷണം വേണമെന്നാണ് ക്രൈംബ്രാഞ്ചിന്റെ ആവശ്യം. കാര്ഡിലെ ഫയല് പ്രോപ്പര്ട്ടീസ് ഏതൊക്കെയെന്നതും എന്നൊക്കെ കാര്ഡ് തുറന്ന് പരിശോധിച്ചുവെന്നും അറിയണമെന്ന് ക്രൈംബ്രാഞ്ച് ആവശ്യപ്പെടുന്നു. ക്രൈബ്രാഞ്ച് ആവശ്യം നേരത്തെ വിചാരണ കോടതി നിരസിച്ചിരുന്നു. ഈ ഉത്തരവ് റദ്ദാക്കി പരിശോധനയ്ക്ക് ഉത്തരവിടണമെന്നാണ് പ്രോസിക്യൂഷന്റെ ആവശ്യം.
ബാലചന്ദ്രകുമാര് ഹാജരാക്കിയ പെന്ഡ്രൈവിന്റെ ശാസ്ത്രീയ പരിശോധന ഫലം സംബന്ധിച്ച വിവരങ്ങളും പ്രോസിക്യൂഷന് കോടതിയില് സമര്പ്പിച്ചേക്കും. ദിലീപിന്റെ ജാമ്യം റദ്ദാക്കണമെന്ന ഹര്ജിയില് വിചാരണക്കോടതിയില് ഇന്ന് വീണ്ടും വാദം തുടരും. പ്രതിഭാഗത്തിന്റെ വാദമാണ് കോടതിയില് നടക്കുക. കേസില് ബാലചന്ദ്രകുമാര് ഹാജരാക്കിയ പെന് ഡ്രൈവിന്റെ ശാസ്ത്രീയ പരിശോധന ഫലവും ഇന്ന് കോടതിയില് പ്രോസിക്യൂഷന് ഹാജരാക്കിയേക്കും.
നടി അക്രമിച്ച കേസില് ദിലീപിന്റെ ജാമ്യം റദ്ധാക്കണമെന്ന് ആവശ്യപ്പെട്ടാണ് പ്രോസിക്യൂഷന് വിചാരണ കോടതിയെ സമീപിച്ചത്. തുടരന്വേഷണത്തിന്റെ ഭാഗമായി അന്വേഷണ സംഘം കണ്ടെത്തിയ തെളിവുകളുടെ അടിസ്ഥാനത്തിലായിരുന്നു പ്രോസിക്യൂഷന് നീക്കം. കേസില് സാക്ഷികളെ സ്വാധീനിക്കാനടക്കം ദിലീപ് നീക്കം നടത്തിയെന്നാണ് പ്രോസിക്യൂഷന് ആരോപണം.
ദിലീപ് അടക്കമുള്ളവരുടെ ഫോണില് നിന്ന് കണ്ടെത്തിയ ശബ്ദ രേഖകള് അടക്കം കോടതിയില് പ്രോസിക്യൂഷന് ഹാജരാക്കിയിരുന്നു. പ്രോസിക്യൂഷന് വാദം പൂര്ത്തിയതോടെ പ്രതിഭാഗത്തിന്റെ വാദമാണ് കോടതിയില് നടക്കുന്നത്. കേസില് ദിലീപിന് എതിരെ തെളിവുകള് ഇല്ലെന്ന് പ്രതിഭാഗം കോടതിയില് വാദിച്ചിരുന്നു. പ്രോസിക്യൂഷന് ഹാജരാക്കിയ രേഖകളുടെ ആധികാരികത പരിശോധിക്കണമെന്നും പ്രതിഭാഗം കോടതിയില് ആവശ്യപ്പെട്ടിട്ടുണ്ട്.
