കോഴിക്കോട് :ബീച്ച് റോഡില് വെള്ളയില് ഭാഗത്ത് റീല്സ് ചിത്രീകരിക്കുന്നതിനിടയില് കാര് ഇടിച്ച് യുവാവ് മരിച്ചു. വടകര കടമേരി സ്വദേശി ടികെ ആല്വിന്(21) ആണ് മരിച്ചത്. വാഹനങ്ങളുടെ ചേസിങ് വീഡിയോ ചിത്രീകരിക്കുന്നതിനിടയില് കൂട്ടത്തിലെ ഒരു വാഹനം ഇടിക്കുകയായിരുന്നുവെന്നാണ് വിവരം.
ചൊവ്വാഴ്ച രാവിലെ 7.30 ഓടെയായിരുന്നു അപകടം. ആല്വിന് മൊബൈല് ഉപയോഗിച്ച് റോഡില് നിന്നും വീഡിയോ ചിത്രീകരിക്കുന്നതിനിടെ കാര് ആല്വിന്റെ മേലേയ്ക്ക് ഇടിച്ച് കയറുകയായിരുന്നുവെന്നാണ് റിപ്പോര്ട്ട്. ഉടനെ ഒപ്പം ഉണ്ടായിരുന്ന യുവാക്കള് ആല്വിനെ സമീപത്തെ സ്വകാര്യ ആശുപത്രിയില് എത്തിച്ചെങ്കിലും ഉച്ചയോടെ മരണം സംഭവിക്കുകയായിരുന്നു.
വാഹനങ്ങള് പോലീസ് കസ്റ്റഡിയില് എടുത്തിട്ടുണ്ട്. രണ്ട് വാഹനങ്ങളാണ് ഉണ്ടായിരുന്നത് എന്നാണ് സൂചന. അശ്രദ്ധമായ ഡ്രൈവിങ് ആണ് അപകടം ഉണ്ടാക്കിയതെന്നാണ് പോലീസിന്റെ നിഗമനം. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
