HIGHLIGHTS : തൃശൂര്‍: കേരള സംഗീത നാടക അക്കാദമി ഒരുക്കുന്ന ആറാമത് അന്താരാഷ്ട്ര നാടകോത്സവത്തിന് അരങ്ങുണര്‍ന്നു. സാംസ്‌ക്കാരിക മന്ത്രി കെ സി ജോസഫ് നാടകോത്സവം ഉദ്ഘാ...
തൃശൂര്‍: കേരള സംഗീത നാടക അക്കാദമി ഒരുക്കുന്ന ആറാമത് അന്താരാഷ്ട്ര നാടകോത്സവത്തിന് അരങ്ങുണര്‍ന്നു. സാംസ്‌ക്കാരിക മന്ത്രി കെ സി ജോസഫ് നാടകോത്സവം ഉദ്ഘാടനം ചെയ്തു. പ്രശസ്ത കലാചിന്തകയും നാടക സംവിധായകയുമായ അനുരാധാകപൂര്‍ മുഖ്യ പ്രഭാഷണം നടത്തി.
മൂന്ന് പ്രമേയങ്ങള്‍ മുന്‍നിര്‍ത്തിയാണ് ഇത്തവണ നാടകോത്സവം അണിയിച്ചൊരുക്കിയിരിക്കുന്നതെന്ന് സംഘാടകര്‍ അറിയിച്ചു. ട്രാന്‍സിഷന്‍, ജന്‍ഡര്‍, സ്‌പെക്ടേറ്റര്‍ഷിപ്പ് എന്നീ പ്രമേയങ്ങളില്‍ അധിഷ്ഠിതമായ നാടകങ്ങളാണ് അവതരിപ്പിക്കപ്പെടുക.
പോളണ്ട്, ജര്‍മനി, നോര്‍വ, ഇറാന്‍, ഇസ്രായേല്‍, ഫ്രാന്‍സ്, ഇറ്റലി, ചെക്ക് ഫിപ്പബ്ലിക്ക്, ചെക്കോസ്ലോവാക്യ എന്നീ രാജ്യങ്ങളില്‍ നിന്നുള്ള 11 അന്താരാഷ്ട്ര നാടകങ്ങളും കേരളത്തില്‍ നിന്നുള്ള 6, ഇന്ത്യയിലെ മറ്റു സംസ്ഥാനങ്ങളില്‍ നിന്നായി 6 നാകങ്ങളുമാണ് ആസ്വാദകര്‍ക്ക് മുന്നിലെത്തുക.
നാലു ദിവസത്തെ സിമ്പോസിയവും ഇറ്റ്‌ഫോക്കിന്റെ ഭാഗമായുണ്ട്.
