HIGHLIGHTS : സുരോ: അതിബുദ്ധി ശക്തിയില് ലോകത്തെ അത്ഭുതപ്പെടുത്തിയ
സുരോ: അതിബുദ്ധി ശക്തിയില് ലോകത്തെ അത്ഭുതപ്പെടുത്തിയ ഒരു മൂന്നു വയസ്സുകാരി. സുരേയിലെ ഗില്ഡ്ഫോര്ഡില് താമസക്കാരായ റഷ്യന് ദമ്പതികളുടെ മകള് ആലിസ് ആമോസാണ് ഈ അദ്ഭുത പെണ്കുട്ടി.
ബ്രിട്ടീഷ് ശാസ്ത്രജ്ഞനായ സ്റ്റീഫന് ഹോക്കിങ്ങ്സിനേക്കാള് ഉയര്ന്ന ഐ ക്യു ഉണ്ടന്ന് ടെസ്റ്റുകളിലൂടെ തെളിയിക്കുന്നവരുടെ സംഘടനയായ മെന്സില് അംഘത്വം ലഭിക്കുന്ന ആദ്യത്തെ ഏറ്റവും പ്രായം കുറഞ്ഞ കുട്ടി എന്ന ബഹുമതി കൂടി ഇനി ആലീസിന് സ്വന്തം.
ബ്രെയിന് ബോക്സ് സൊസൈറ്റി നടത്തിയ ബുദ്ധിനിലവാരമളക്കുന്ന ഐക്യു ടെസ്റ്റില് മറ്റാര്ക്കും നേടാനാകാത്ത 162 പോയിന്റ് നേടിയാണ് ആലീസ് അത്ഭുതം സൃഷ്ടിച്ചിരിക്കുന്നത്. റഷ്യന് ഭാഷയില് ജനുവരിയിലായിരുന്നു ടെസ്റ്റ് നടത്തിയത്. സ്റ്റീഫന് ഹോക്കിങ്സിന് ഈ ടെസ്റ്റില് 160 ഐക്യു പോയിന്റ് നേടാനെ സാധിച്ചിരുന്നൊള്ളു. കൂടാതെ കണക്കില് അതിബുദ്ധിശാലിയായ കാരോള് വോര്ഡെര്മാനേക്കാളും 8 പോയിന്റ് അധികം നേടാനും ഈ കൊച്ചുമിടിക്കിക്കായി.
ആലീസ് ആമോസ് എന്ന ഈ കൊച്ചു വലിയ മിടുക്കി ഒരു സാധാരണ കുടുംബത്തിലെ അംഗമാണ്. പിതാവ് സാധാരണ ടെലികോംമാനേജരും അമ്മ വീട്ടമയുമാണെന്നത് ആലീസിന്റെ കാര്യത്തില് ഏവരെയും അത്ഭുതപ്പെടുത്തുകയാണ്. ഏതായാലും ലോകത്തെ അതിബുദ്ധിയുള്ള 1 %പേരില് ഏറ്റവും ഉയര്ന്ന ലെവലിലാണ് ആലീസിന്റെ ബുദ്ധി നിലവാരം എന്നതും ഏറെ ചര്ച്ചചെയ്യപ്പെടുകയാണ്.