കല്പ്പറ്റ: കാട്ടാന ആക്രമണത്തില് യുവാവ് മരിച്ച സംഭവത്തിന്റെ പശ്ചാത്തലത്തില് വയനാട്ടില് ഇന്ന് ഹര്ത്താലിന് ആഹ്വാനം. കര്ഷക സംഘടനയായ ഫാര്മേഴ്സ് റിലീഫ് ഫോറം (എഫ്ആര്എഫ്), തൃണമൂല് കോണ്ഗ്രസ് എന്നി സംഘടനകള് ആണ് ഹര്ത്താലിന് ആഹ്വാനം ചെയ്തിരിക്കുന്നത്. അതേസമയം ഹര്ത്താലുമായി സഹകരിക്കില്ലെന്ന് ബസുടമകളും വ്യാപാരികളും അറിയിച്ചു.
കാട്ടാനയുടെ ആക്രമണത്തില് മരണപ്പെട്ട കുടുംബത്തിന്റെ ദുഃഖത്തില് പങ്ക് ചേരുന്നുവെങ്കിലും ബസ് നിര്ത്തിവെച്ചു കൊണ്ടുള്ള ഹര്ത്താലില് പങ്കെടുക്കില്ലെന്ന് പ്രൈവറ്റ് ബസ് ഓപ്പറേറ്റേഴ്സ് അസോസിയേഷന് ജില്ലാ സെക്രട്ടറി രജ്ഞിത്ത് രാം മുരളീധരന് അറിയിച്ചു.
നികുതി അടക്കേണ്ട ഈ സമയത്ത് ബസ് നിര്ത്തി വെച്ച് കൊണ്ടുള്ള സമരത്തില് പങ്കെടുക്കാന് കഴിയില്ല. ഇന്ന് ബസ് സര്വ്വീസ് നടത്താന് എല്ലാ ക്രമീകരണങ്ങളും നടത്തിയിട്ടുണ്ട്. സര്വീസ് ഇന്ന് സുഗമമായി നടത്താന് ജില്ലാ ഭരണകൂടം സൗകര്യം ഒരുക്കണമെന്നും ബസ് ഓപ്പറേറ്റേഴ്സ് ഭാരവാഹികള് ആവശ്യപ്പെട്ടു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
