HIGHLIGHTS : Village field assistant caught while accepting bribe Rs 35 lakh cash seized from home
പാലക്കാട്: പാലക്കയം വില്ലേജ് ഓഫീസ് അസിസ്റ്റന്റ് സുരേഷ് കുമാറിന്റെ വീട്ടിലെ വിജിലന്സ് റെയ്ഡ് പൂര്ത്തിയായി. മണ്ണാര്ക്കാട്ടെ താമസ സ്ഥലത്താണ് റെയ്ഡ് നടന്നത്. ഇവിടെ നിന്ന് ലക്ഷകണക്കിന് രൂപയാണ് പിടിച്ചെടുത്തിരിക്കുന്നത്. സുരേഷ് കുമാറിനെ കൈകൂലി വാങ്ങുന്നതിനിടെ വിജിലന്സ് പിടികൂടിയിരുന്നു. പണമായി വീട്ടില് നിന്ന് പിടിച്ചെടുത്തത് 35 ലക്ഷം രൂപയാണ്.
വിവിധ ബാങ്കുകളിലായി 40 ലക്ഷം മൂല്യമുള്ള ബോണ്ടുകള്, 25ലക്ഷം രൂപയുടെ സേവിംഗ്സ് ബാങ്ക് രേഖകളും 17കിലോ വരുന്ന നാണയശേഖരവും പിടിച്ചെടുത്തിട്ടുണ്ട്. പ്ലാസ്റ്റിക് കവറുകളിലാണ് പണം സൂക്ഷിച്ചിരുന്നത്.
എംഇഎസ് കോളേജിന്റെ മുന്വശം പാര്ക്ക് ചെയ്തിരുന്ന സുരേഷ് കുമാറിന്റെ കാറില് വച്ച് 2500 കൈക്കൂലി വാങ്ങവേ വിജിലന്സ് സംഘം പ്രതിയെ കൈയ്യോടെ പിടികൂടുകയായിരുന്നു. മുമ്പ് ഇതേ പരാതിക്കാരനില് നിന്ന് സുരേഷ് ബാബു കൈക്കൂലി വാങ്ങിയതായും വിജിലന്സ് അറിയിച്ചു. ഇതേ വസ്തു എല് എ പട്ടയത്തില് പെട്ടതല്ലെന്നുള്ള സര്ട്ടിഫിക്കേറ്റിനായി പരാതിക്കാരനില് നിന്ന് ആറ് മാസം മുമ്പ് 10,000 രൂപയും പൊസഷന് സര്ട്ടിഫിക്കേറ്റിനായി അഞ്ച് മാസം മുമ്പ് 9,000 രൂപയും വാങ്ങിയിരുന്നു.
പാലക്കാട് വില്ലേജ് അസിസ്റ്റന്റ് സുരേഷ് കുമാര് പണം സ്വരുക്കൂട്ടിയത് സ്വന്തമായി വീട് വെക്കാനെന്നാണ് പ്രതിയുടെ മൊഴി. അവിവാഹിതന് ആയതിനാല് ശമ്പളം അധികം ചെലവാക്കേണ്ടി വരാറില്ലെന്നും മൊഴി നല്കി. ഇയാള് ഒരു മാസമായി വിജിലന്സ് നിരീക്ഷണത്തിലായിരുന്നു. പ്രതിയെ ഇന്ന് തൃശ്ശൂര് വിജിലന്സ് കോടതിയില് ഹാജരാക്കും. വിജിലന്സ് ഇന്ന് തന്നെ കസ്റ്റഡി അപേക്ഷ നല്കും. അനധികൃത സ്വത്ത് എങ്ങനെ സമ്പാദിച്ചെന്ന് അന്വേഷിക്കും. വിജിലന്സിന് ഇയാളെക്കുറിച്ച് പരാതി കിട്ടുന്നത് ഇതാദ്യമാണ്. മുമ്പ് ജോലിയെടുത്തിരുന്ന വിലേജ് ഓഫീസുകളിലും ഇയാള് ക്രമക്കേട് നടത്തിയിരുന്നു.
കൈക്കൂലിയായി പൈസ മാത്രമല്ല എന്ത് കിട്ടിയാലും സുരേഷ് കുമാര് കൈപ്പറ്റിയിരുന്നു എന്നാണ് വിജിലന്സ് പറയുന്നത്. 2500 രൂപ മാസവാടകയുള്ള റൂമിലാണ് സുരേഷ് കുമാര് താമസിച്ചിരുന്നത്.
സാലറി അക്കൗണ്ടില് നിന്നും പണം പിന്വലിക്കാറുണ്ടായിരുന്നില്ലെന്ന് വിജിലന്സ്. സുരേഷ് കുമാറിന്റെ വീട്ടില് നിന്നും കണ്ടെത്തിയ പണമെല്ലാം കൈക്കൂലിപ്പണമാണെന്ന് വിജിലന്സ് ഉദ്യോഗസ്ഥര് പറഞ്ഞു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു