തിരുവനന്തപുരം: ശബരിമല സ്വര്ണക്കൊള്ളയില് ഉണ്ണികൃഷ്ണന് പോറ്റിയെ എസ്ഐടി കസ്റ്റഡിയില് വിട്ടു. റാന്നി ഒന്നാം ക്ലാസ് മജിസ്ട്രേറ്റ് കോടതിയുടേതാണ് ഉത്തരവ്. ഈ മാസം 30 വരെയാണ് കസ്റ്റഡിയില് വിട്ടിരിക്കുന്നത്.
അടച്ച മുറിയിലായിരുന്നു കേസ് പരിഗണിച്ചത്. മജിസ്ട്രേറ്റ്, പ്രതി, പ്രോസിക്യൂഷന്, പ്രതിഭാഗം അഭിഭാഷകന്, അന്വേഷണ ഉദ്യോഗസ്ഥര്, കോടതിയിലെ പ്രധാന ജീവനക്കാര് എന്നിവര് മാത്രമാണ് കോടതിയുടെ അകത്തുണ്ടായത്. അഭിഭാഷകനായ ലെവിന് തോമസാണ് ഉണ്ണികൃഷ്ണന് പോറ്റിക്ക് വേണ്ടി കോടതിയില് ഹാജരായത്.
ഉണ്ണികൃഷ്ണന് പോറ്റിയുമായി എസ്ഐടിയുടെ ആദ്യ തെളിവെടുപ്പ് ബെംഗളൂരുവിലെന്ന് സൂചന. കോടതിയില് നിന്നിറക്കി വൈദ്യ പരിശോധന പൂര്ത്തിയാക്കി തിരുവനന്തപുരത്തേക്ക് കൊണ്ടുപോകും.
ഉണ്ണികൃഷ്ണന് പോറ്റിയെ ഇന്നലെയാണ് പ്രത്യേക അന്വേഷണ സംഘം അറസ്റ്റ് ചെയ്തത്. പത്ത് മണിക്കൂര് നീണ്ട ചോദ്യം ചെയ്യലിന് ശേഷമാണ് അറസ്റ്റ് ചെയ്തത്.
