രാഷ്ട്രപതി ദ്രൗപതി മുര്മുവിനെ കോണ്ഗ്രസ് അപമാനിച്ചുവെന്ന് ആരോപണത്തില് കോണ്ഗ്രസിനെതിരെ വിമര്ശനവുമായി കേന്ദ്രമന്ത്രി സ്മൃതി ഇറാനി. രാഷ്ട്രപതിയെ രാഷ്ട്രപത്നിയെന്ന് അധിര് രഞ്ജന് ചൗധരി വിശേഷിപ്പിച്ചത് അത്യന്തം അപലപനീയമാണെന്ന് പ്രസ്താവനയില് കോണ്ഗ്രസ് മാപ്പു പറയണമെന്നും സ്മൃതി ഇറാനി ആവശ്യപ്പെട്ടു. ആദിവാസി വിഭാഗത്തില് നിന്നുള്ള വനിത രാഷ്ട്രപതിയായത് കോണ്ഗ്രസിന് ദഹിച്ചിട്ടില്ല. സോണിയ ഗാന്ധി സ്ത്രീത്വത്തെ അപമാനിച്ചുവെന്ന് ലോക്സഭയില് സ്മൃതി പറഞ്ഞു. രാഷ്ട്രപതിയെ രാഷ്ട്രപത്നിയെന്ന് എന്ന് വിശേഷിപ്പിച്ചത് അത്യന്തം അപലപനീയമാണെന്ന് അവര് പറഞ്ഞു.
ദ്രൗപദി മുര്മു രാഷ്ട്രപതി സ്ഥാനാര്ഥിയായപ്പോള് മുതല് കോണ്ഗ്രസ് നിരന്തരം അപകീര്ത്തികരമായ പരാമര്ശങ്ങളാണ് നടത്തുന്നത്. അധിര് രഞ്ജന് ചൗധരിയുടെ പ്രസ്താവനയില് കോണ്ഗ്രസ് മാപ്പു പറയണമെന്നും സ്മൃതി ഇറാനി ആവശ്യപ്പെട്ടു. സ്ത്രീവിരുദ്ധ പരാമര്ശം പിന്വലിക്കണമെന്ന് രാജ്യസഭയില് നിര്മല സീതാരാമന് ആവശ്യപ്പെട്ടു.
അതേസമയം രാഷ്ട്രപതി ദ്രൗപതി മുര്മുവിനെ അപമാനിച്ചുവെന്ന ആരോപണം നാക്കുപിഴയെന്ന് കോണ്ഗ്രസ് പ്രതികരിച്ചു. ബി ജെ പി യുടെ വിമര്ശനങ്ങള് തള്ളി കോണ്ഗ്രസ് നേതാവ് അധിര് രഞ്ജന് ചൗധരി രംഗത്തെത്തി. സംഭവിച്ചത് നാക്കുപിഴ മാത്രം, മാപ്പ് പറയേണ്ട ആവശ്യമില്ലെന്ന് അദ്ദേഹം വ്യക്തമാക്കി.
പ്രസ്താവനയ്ക്കെതിരെ ബിജെപി എംപിമാര് പാര്ലമെന്റ് വളപ്പില് പ്രതിഷേധിച്ചു, കോണ്ഗ്രസിനെതിരെ ലോക്സഭയിലും രാജ്യസഭയിലും ബിജെപി എംപിമാര് നോട്ടിസ് നല്കും. ഒരു ഹിന്ദി ചാനലിനോട് പ്രതികരിക്കവെയാണ് അധിര് രഞ്ജന് ചൗധരി വിവാദ പരാമര്ശം നടത്തിയത്.
