ദില്ലി: മൂന്നാം മോദി സര്ക്കാരിന്റെ രണ്ടാമത് ബജറ്റ് ധനമന്ത്രി നിര്മല സീതാരാമന് ഇന്ന് അവതരിപ്പിക്കും. നിലവിലെ ആദായ നികുതി സ്ലാബുകളില് മാറ്റമുണ്ടായേക്കുമെന്നാണ് റിപ്പോര്ട്ടുകള്. നിലവില് മൂന്ന് ലക്ഷം രൂപ വരെ വരുമാനമുള്ളവര്ക്ക് ആദായനികുതി ഇല്ല. എന്നാല് ഇത്തവണത്തെ ബജറ്റില് അത് അഞ്ച് ലക്ഷമായി ഉയര്ത്തണമെന്ന ആവശ്യം ശക്തമാണ്. പഴയ നികുതി വ്യവസ്ഥയില് 2.50 ലക്ഷം രൂപ വരെ വരുമാനമുള്ളവരാണ് നികുതി ബാധ്യത ഇല്ലാത്തവര്. അതും 5 ലക്ഷം രൂപയായി ഉയര്ത്തണമെന്ന ആവശ്യമുണ്ട്. പുതിയ നികുതി വ്യവസ്ഥയ്ക്ക് കീഴില് സ്റ്റാന്ഡേര്ഡ് ഡിഡക്ഷന് 75,000 രൂപയില് നിന്ന് 1.50 ലക്ഷം രൂപയായും പഴയ നികുതി വ്യവസ്ഥയ്ക്ക് കീഴില് സ്റ്റാന്ഡേര്ഡ് ഡിഡക്ഷന് 50,000 രൂപയില് നിന്ന് ഒരു ലക്ഷം രൂപയായും ഉയര്ത്തണമെന്ന ആവശ്യം സര്ക്കാരിന് മുന്നിലുണ്ട്.
ഇതോടെ തുടര്ച്ചയായി എട്ടു തവണ ബജറ്റ് അവതരിപ്പിക്കുന്ന ആദ്യ ധനമന്ത്രിയാകും നിര്മല സീതാരാമന്. രണ്ട് ഇടക്കാല ബജറ്റുകള് ഉള്പ്പെടെയാണിത്. ഒരേ പ്രധാനമന്ത്രിക്ക് കീഴില് എട്ട് തവണ ബജറ്റ് അവതരിപ്പിച്ച ധനമന്ത്രി എന്ന അപൂര്വതയുമുണ്ട്.
ഇത്തവണ കേരളം അടക്കമുള്ള സംസ്ഥാനങ്ങളോട് എന്ത് സമീപനമാണ് ബജറ്റില് സ്വീകരിക്കുക എന്നാണ് ഇനി അറിയാനുള്ളത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
