താനൂര്: താനൂര് ബോട്ടുദുരന്തത്തില് രണ്ട് പോര്ട്ട് ഉദ്യോഗസ്ഥര് അറസ്റ്റിലായി. പോര്ട്ട് കണ്സര്വേറ്റര് വി വി പ്രസാദ്, ആലപ്പുഴ ചീഫ് സര്വേയര് സെബാസ്റ്റ്യന് എന്നിവരാണ് അറസ്റ്റിലായത്. ബോട്ടു ദുരന്തം അന്വേഷിക്കുന്ന പ്രത്യേക സംഘമാണ് ഇവരെ അറസ്റ്റു ചെയ്തത്.
രണ്ടു ഉദ്യോഗസ്ഥരും ഗുരുതരമായ വീഴ്ച വരുത്തിയെന്ന് ബോധ്യപ്പെട്ടതിന്റെ അടിസ്ഥാനത്തിലാണ് നടപടി. മത്സ്യബന്ധന ബോട്ടായിരുന്നു ഇതെന്ന കാര്യം മറച്ചു വെച്ച്, പുതിയ ബോട്ടെന്ന നിലയിലാണ് അറ്റ്ലാന്റികിന് അനുമതി നല്കിയതെന്നാണ് റിപ്പോര്ട്ട്.
ഓരോഘട്ടത്തിലും പരിശോധിച്ച് സുരക്ഷ ഉറപ്പു വരുത്തേണ്ട ഉദ്യോഗസ്ഥനാണ് സര്വേയര്. എന്നാല് പരിശോധന വിശദമായ നടത്തിയിരുന്നില്ലെന്നും പിന്നീട് മുകള്ത്തട്ടിലേക്ക് കോണി നിര്മ്മിച്ച കാര്യം പോലും സര്വേയര് പരിശോധിച്ചില്ലെന്നും അന്വേഷണ സംഘം കണ്ടെത്തിയതായാണ് വിവരം.
ബേപ്പൂരിന്റെ ചുമതലയുള്ള സീനിയര് പോര്ട്ട് കണ്സര്വേറ്ററായ പ്രസാദ് ബോട്ടുടമ നാസറെ പലവിധത്തില് സഹായിച്ചെന്നാണ് അന്വേഷണ സംഘത്തിന്റെ കണ്ടെത്തല് എന്നാണ് റിപ്പോര്ട്ട്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
