തിരൂരങ്ങാടി: ദേശീയപാത തലപ്പാറ വലിയപറമ്പില് നിര്ത്തിയിട്ട ലോറിക്ക് പിന്നില് കാറിടിച്ച് രണ്ടു ദര്സ് വിദ്യാര്ഥികള് മരിച്ചു. വൈലത്തൂര് സ്വദേശി ഉസ്മാന് (24), വള്ളിക്കുന്ന് സ്വദേശി ശാഹുല് ഹമീദ് (23) എന്നിവര് ആണ് മരിച്ചത്. അപകടത്തില് സഹയാത്രികരായ 3 പേര്ക്ക് പരിക്കേറ്റു. താനൂര് പുത്തന് തെരു സ്വദേശി അബ്ബാസ് (25), വേങ്ങര സ്വദേശി ഫഹദ് (24), താനൂര് സ്വദേശി സര്ജാസ് (24) എന്നിവര്ക്കാണ് പരിക്കേറ്റത്. എല്ലാവരും തിരൂര് തലക്കടത്തൂര് ജുമുഅത്ത് പള്ളിയിലെ ദര്സ് വിദ്യാര്ത്ഥികളാണ്.
ഇന്ന് രാത്രി 8.30 ന് ആണ് അപകടം. കൊളപ്പുറം ഭാഗത്തുനിന്നും കോഴിക്കോട് ഭാഗത്തേക്ക് പോവുകയായിരുന്ന കാര്, നിര്ത്തിയിട്ട ലോറിക്ക് പിന്നില് ഇടിക്കുകയായിരുന്നു എന്ന് ദൃക്സാക്ഷികള് പറഞ്ഞു. ഉസ്മാന് സംഭവ സ്ഥലത്ത് വച്ചും ശാഹുല് ഹമീദ് തിരൂരങ്ങാടി എം.കെ .എച്ച് ആശുപത്രിയില് വച്ചുമായിരുന്നു മരണപ്പെട്ടത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
