Section

malabari-logo-mobile

തിരൂരങ്ങാടി തൃക്കുളത്ത് വീണ്ടും വാഹനാപകടം; മൂന്ന് പേർക്ക് പരിക്ക്

HIGHLIGHTS : തിരൂരങ്ങാടി: തൃക്കുളം ശിവ ക്ഷേത്രത്തിന് സമീപമുണ്ടായ കാറപകടത്തിൽ മൂന്ന് പേർക്ക് പരിക്ക്. ഇന്ന് പുലർച്ചെ 4 മണിക്കായിരുന്നു അപകടം. പന്താരങ്ങാടി –...

തിരൂരങ്ങാടി: തൃക്കുളം ശിവ ക്ഷേത്രത്തിന് സമീപമുണ്ടായ കാറപകടത്തിൽ മൂന്ന് പേർക്ക് പരിക്ക്. ഇന്ന് പുലർച്ചെ 4 മണിക്കായിരുന്നു അപകടം. പന്താരങ്ങാടി – പത്തിനാറുങ്ങലിൽ നിന്നും ജോലി കഴിഞ്ഞു കൊണ്ടോട്ടിയിലേക്ക് പോവുന്ന വർക് ഷോപ്പ് തൊഴിലാളികൾ സഞ്ചരിച്ച കാറാണ് നിയന്ത്രണം വിട്ട് മതിലിലും തെങ്ങിലും ഇടിച്ചു അപകടം ഉണ്ടായത്. കൊണ്ടോട്ടി സ്വദേശി സിനാൻ ഉൾപെടെ 3 യാത്രക്കാർ കാറിൽ ഉണ്ടായിരുന്നത്. പരിക്കേറ്റവരേ ആദ്യം തിരൂരങ്ങാടി താലൂക്ക് ആശുപത്രിയിലും പിന്നീട് കോട്ടക്കലിലെ സ്വകാര്യ ആശുപത്രിയിലേക്കും മാറ്റി. അപകടത്തിൽ പെട്ട ഒരാളുടെ പരിക്ക് ഗുരുതരമാണ്.

ചെമ്മാട് പരപ്പനങ്ങാടി റോഡിൽ തൃക്കുളം അമ്പലപ്പടിക്ക് സമീപം അപകടങ്ങൾ തുടർകഥ ആകുകയാണ്. ഏതാനും ദിവസം മുൻപ് ഇവിടെ ബൈക്ക് അപകടത്തിൽ പെട്ട് യുവാവ് മരിച്ചിരുന്നു.

നാടുകാണി -പരപ്പനങ്ങാടി പാത നവീകരണം അശാസ്ത്രീയമായി നടത്തിയ ഭാഗത്താണ് അപകടം പതിവായിരിക്കുന്നത്. ഇവിടെ മാസങ്ങളായി തെരുവ് വിളക്കുകൾ കത്തുന്നില്ല, മതിയായ മുന്നറിയിപ്പ് ബോർഡുകളും രാത്രികാല ഗതാഗതത്തിന് സഹായകരമായ റിഫ്ലക്റ്റർ സിഗ്‌നലുകളോ ഈ ഭാഗത്ത് ഇല്ലാത്തതും തുടർച്ചയായി ഉണ്ടാകുന്ന അപകടങ്ങൾക്ക് കാരണമാണ്.

Share news
English Summary :
വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
error: Content is protected !!