മലപ്പുറം:40 കോടിയോളം വിലമതിക്കുന്ന മയക്കുമരുന്നുമായി മൂന്നു സ്ത്രീകള് കോഴിക്കോട് വിമാനത്താവളത്തില് എയര് കസ്റ്റംസ്സിന്റെ പിടിയിലായി. രാത്രി 11.45ന് തായ്ലന്ഡില് നിന്നും എത്തിയ വിമാനത്തില് കോഴിക്കോട് ഇറങ്ങിയ ചെന്നൈ സ്വദേശിനി റാബിയത് സൈദു സൈനുദീന് (40), കോയമ്പത്തൂര് സ്വദേശിനി കവിത രാജേഷ്കുമാര് (40), തൃശൂര് സ്വദേശിനി സിമി ബാലകൃഷ്ണന് (39) എന്നിവരെയാണ് എയര് കസ്റ്റംസ്, എയര് ഇന്റലിജന്സ് യൂണിറ്റ് ഉദ്യോഗസ്ഥര് പിടികൂടിയത്.
34 കിലോ ഹൈബ്രിഡ് കഞ്ചാവും കൂടാതെ തായ്ലന്ഡ് നിര്മ്മിത 15 കിലോയോളം തൂക്കം വരുന്ന ചോക്ലേറ്റ്, കേക്ക്, ക്രീം ബിസ്ക്കറ്റ് എന്നിവയില് കലര്ത്തിയ രാസ ലഹരിയും ആണ് ഇവരില്നിന്നും പിടികൂടിയത്.
കസ്റ്റംസ് എയര് ഇന്റലിജന്സ് യൂണിറ്റിന് ലഭിച്ച രഹസ്യ വിവരത്തെ തുടര്ന്നാണ് കസ്റ്റംസ് സ്ത്രീ യാത്രക്കാരെ പിടികൂടിയത്. ഇവര് തായ്ലന്ഡില് നിന്നും ക്വാലലംപൂര് വഴി ആണ് കോഴിക്കോട് ഇറങ്ങിയത്.
