തിരുവനന്തപുരം: മാര്ച്ചിലെ സാമൂഹ്യ സുരക്ഷ, ക്ഷേമനിധി പെന്ഷനുകള് ഈ മാസം 25 മുതല് വിതരണം ചെയ്യും. ഏപ്രില് മാസത്തെ ക്ഷേമ പെന്ഷന് വിതരണം ഈ മാസം 31 ന് തുടങ്ങും.
വിഷു പ്രമാണിച്ചാണ് പെന്ഷന് നേരത്തെ നല്കുന്നത്. ഇതിന് ആവശ്യമായ പണം അനുവദിച്ച് സര്ക്കാര് നേരത്തെ ഉത്തരവിറക്കിയിരുന്നു. രണ്ടാം പിണറായി സര്ക്കാര് 51,534 കോടി രൂപയാണ് ക്ഷേമ പെന്ഷനായി വിതരണം ചെയ്തത്.
62 ലക്ഷത്തോളം പേര്ക്കാണ് 2,000 രൂപ വീതം പെന്ഷന് ലഭിക്കുക. 26.62 ലക്ഷം പേരുടെ ബാങ്ക് അക്കൗണ്ടുകളിലാണ് തുക എത്തുക. മറ്റുള്ളവര്ക്ക് സഹകരണ ബാങ്കുകള് വഴി വീട്ടിലെത്തി നേരിട്ട് തുക കൈമാറും. ക്ഷേമനിധി അംഗങ്ങള്ക്കുള്ള ക്ഷേമ പെന്ഷന് അതാത് ബോര്ഡുകള് വഴി വിതരണം ചെയ്യും.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
