തിരുവനന്തപുരം എസ്.എ.ടി. ആശുപത്രിയില് ഒരു ബ്ലോക്കില് വൈദ്യുതി മുടങ്ങിയ സാഹചര്യത്തില് ആരോഗ്യ വകുപ്പ് മന്ത്രി വീണാ ജോര്ജ് ആശുപത്രി സന്ദര്ശിച്ച് സ്ഥിതി വിലയിരുത്തി. സമഗ്ര സമിതി അന്വേഷണം നടത്തും. ഏതെങ്കിലും തരത്തിലുള്ള വീഴ്ചയുണ്ടെങ്കില് നടപടി സ്വീകരിക്കുമെന്ന് മന്ത്രി പറഞ്ഞു.
ആശുപത്രിയില് ഒരു ബ്ലോക്കില് വൈദ്യുതി ഇല്ലാതായെന്ന് ശ്രദ്ധയില്പ്പെട്ട ഉടന് തന്നെ ആരോഗ്യ വകുപ്പ് മന്ത്രി വീണാ ജോര്ജ് വൈദ്യുതി മന്ത്രിയുടേയും പി.ഡബ്ല്യു.ഡി. ഇലക്ട്രിക്കല് വിഭാഗത്തിന്റേയും സഹായം തേടി. ഉടന് വൈദ്യുതി പുന:സ്ഥാപിക്കുമെന്ന് സാങ്കേതിക വിദഗ്ധര് അറിയിച്ചിട്ടുണ്ട്. ഉടന് തന്നെ താത്ക്കാലിക ജനറേറ്റര് സംവിധാനം ഒരുക്കും. കുട്ടികളുടെ വിഭാഗത്തില്, ഐസിയുവില് ഉള്പ്പെടെ പ്രശ്നമില്ലെന്നാണ് മെഡിക്കല് വിദ്യാഭ്യാസ വകുപ്പ് ജോ. ഡയറക്ടര് അറിയിച്ചിട്ടുള്ളത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
