തിരുവനന്തപുരം: തിരുവനന്തപുരത്തെ കൂട്ടക്കൊലയില് കൂടുതല് വിവരങ്ങള് പുറത്ത്. കൃത്യമായ ആസൂത്രണത്തോടെയാണ് പ്രതി അരുംകൊലകള് നടത്തിയതെന്നാണ് പൊലീസിന്റെ കണ്ടെത്തല്. 6 മണിക്കൂറിനുള്ളില് 5 കൊലപാതകങ്ങള് നടത്തി. കൊല്ലപ്പെട്ടവരുടെ പോസ്റ്റ്മോര്ട്ടം ഇന്ന് നടത്തും. ചികിത്സയിലുള്ള അഫാന്റെ അമ്മ ഷെമിയുടെ നില അതീവ ഗുരുതരമാണ്.
ഇന്നലെ രാവിലെ ഉമ്മയെയാണ് പ്രതി അഫാന് ആദ്യം ആക്രമിച്ചത്. രാവിലെ 10 മണിയോടെയായിരുന്നു ആദ്യ ആക്രമണം. ഉമ്മയെ ആക്രമിച്ചു. 1.15 മുത്തശ്ശി സല്മ ബീവിയെ ആക്രമിച്ചു. വെഞ്ഞാറമൂട് എത്തിയപ്പോള് ലത്തീഫ് ഫോണില് വിളിച്ചു.
വെഞ്ഞാറമൂട് നിന്നാണ് ചുറ്റിക വാങ്ങിയത്. വൈകിട്ട് 3 മണിയോടെ പിതാവിന്റെ സഹോദരന് ലത്തീഫിനെയും ഭാര്യയെയും ആക്രമിച്ചു. ചുറ്റിക കൊണ്ടായിരുന്നു കൊലപാതകം. 4 മണിയോടെ കാമുകിയെ പേരുമലയിലെ വീട്ടിലേക്ക് വിളിച്ചു വരുത്തി കൊലപെടുത്തി. അവസാനം വീട്ടില് വെച്ച് സഹോദരന് അഫ്സാനെയും കൊലപെടുത്തി. അനുജന് പരീക്ഷ കഴിഞ്ഞു എത്തി ഉമ്മയെ അന്വേഷിച്ചു. ഈ ഘട്ടത്തില് അനുജനെ വീട്ടിനകത്ത് കയറ്റി ചുറ്റിക കൊണ്ട് അടിച്ച് കൊലപ്പെടുത്തുകയായിരുന്നു. കൊലപാതകത്തിന് ശേഷം ചുറ്റിക വീട്ടില് തന്നെ വെച്ചു. കുളിച്ച് വസ്ത്രം മാറിയാണ് സ്റ്റേഷനില് പോയി കീഴടങ്ങിയതെന്നും പൊലീസ് പറയുന്നത്.
ആറരയോടെ വെഞ്ഞാറമ്മൂട് സ്റ്റേഷനിലെത്തി കുറ്റസമ്മതം. ആറുപേരെ കൊന്നെന്നും എലിവിഷം കഴിച്ചെന്നും മൊഴി. ഒരു പകല് മുഴുവന് കൂസലില്ലാതെ ഒന്നിന് പിറകെ ഒന്നായി കൊലപാതകം നടത്തി നാട് മുഴുവന് ബൈക്കില് കറക്കം. പ്രതിയുടെ ക്രൂരകൃത്യത്തില് നടുങ്ങി നാട്. സാമ്പത്തിക പ്രതിസന്ധി തീര്ക്കാന് കൊലപാതകം നടത്തിയെന്ന് പ്രതിയുടെ മൊഴി
പ്രതി അഫാന് കൊലപ്പെടുത്തിയ സഹോദരന് അഫ്സാന്, അച്ഛന്റെ അമ്മ സല്മബീവി, അച്ഛന്റെ സഹോദരന് ലത്തീഫ്, ലത്തീഫിന്റെ ഭാര്യ ഷാഹിദ, അഫ്നാന്റെ സുഹൃത്ത് ഫര്സാന എന്നിവരുടെ പോസ്റ്റ്മോര്ട്ടം ഇന്ന് നടത്തും. ചികിത്സയിലുള്ള അഫാന്റെ അമ്മ ഷെമിയുടെ നില അതീവ ഗുരുതരമാണ്. എലിവിഷം കഴിച്ച പ്രതി അഫാന് മെഡിക്കല് കോളേജ് ആശുപത്രി ഒന്നാം വാര്ഡില് ചികിത്സയില് തുടരുകയാണ്. ആരോഗ്യ നില തൃപ്തികരമെന്ന് ആശുപത്രി അധികൃതര് അറിയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
