ഷിരൂര്: മണ്ണിടിച്ചില് ഉണ്ടായ ഷിരൂരില് പൂര്ണമായും അനുകൂല കാലാവസ്ഥയാണെങ്കില് മാത്രം നദിയില് ഇന്ന് പരിശോധന നടത്തും. വരുന്ന 21 ദിവസം മഴ പ്രവചിച്ചത്തിനാലാണ് കാല്വസ്ഥ അനുകൂലമായല് മാത്രം തെരച്ചില് നടത്താനുള്ള നീക്കം. അതേസമയം, തൃശൂരിലെ ഡ്രഡ്ജിങ് യന്ത്രത്തിന്റെ ഓപ്പറേറ്റര് ഉടന് ഷിരൂരില് എത്തും. സ്ഥലത്ത് ഡ്രഡ്ജിങ്ങ് യന്ത്രം അനുയോജ്യമാണോ എന്ന് പരിശോധിക്കും. മണ്ണിടിച്ചിലിനെ തുടര്ന്ന് അടച്ചിട്ട ദേശീയപാത ഇന്ന് തുറന്നുകൊടുത്തേക്കും.
അര്ജനായുള്ള തെരച്ചില് നിര്ത്തരുതെന്ന് അര്ജുന്റെ കുടുംബം ഇന്നലെ പ്രതികരിച്ചിരുന്നു. ഒരു കാരണവശാലും തെരച്ചില് നിര്ത്തരുതെന്ന് അര്ജുന്റെ സഹോദരി അഞ്ജു മാധ്യമങ്ങളോട് പറഞ്ഞു. ആധുനിക സാങ്കേതിക വിദ്യകള് ഉപയോഗിച്ച് തെരച്ചില് തുടരണം. പെട്ടെന്ന് തെരച്ചില് നിര്ത്തുക എന്നത് ഉള്ക്കൊള്ളാന് പറ്റുന്നില്ല. സംസ്ഥാന സര്ക്കാരും കര്ണാടക സര്ക്കാരും ഒരുപാട് സഹായിച്ചിട്ടുണ്ടെന്നും സഹോദരി പറഞ്ഞു.
അര്ജുനെ മാത്രമല്ല, ബാക്കി രണ്ട് പേരെ കൂടി കണ്ടെത്തേണ്ടതുണ്ട്. അവര്ക്കായി തെരച്ചില് തുടരണം. അവര് ഇപ്പോള് പിന് പിന്വാങ്ങിയതില് ഒരു അനിശ്ചിതത്വം ഉണ്ട്. എത്ര കാലത്തേക്ക് എന്നറിയില്ല. കാലവസ്ഥ കൊണ്ടുള്ള പ്രശ്നങ്ങള് മറികടക്കാനുള്ള സംവിധാനങ്ങള് ഉപയോഗിച്ച് തെരച്ചില് തുടരണം. മുന്പ് ലോറി കണ്ടെത്തിയിരുന്നു എന്ന് പറഞ്ഞിരുന്നു. എന്നാല് ഇപ്പോള് അതിനെക്കുറിച്ച് ആരും പറയുന്നില്ല. അതില് വിഷമം ഉണ്ടെന്നും സഹോദരി പറഞ്ഞു. എല്ലാവരുടേയും പിന്തുണയും സാന്നിധ്യവും ഉണ്ടായിരുന്നത് ഇനിയും വേണമെന്നും അര്ജുന്റെ കുടുംബം പറഞ്ഞു. 13 ദിവസമായിട്ടും അര്ജുന് എവിടെയാണെന്ന് അമ്മ ചോദിക്കുകയാണെന്നും എന്താണ് ചെയ്യേണ്ടതെന്ന് അറിയില്ലെന്നും സഹോദരി കൂട്ടിച്ചേര്ത്തു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
