തിരുവനന്തപുരം: ആരോഗ്യമന്ത്രി വീണ ജോര്ജിനെതിരായ കെ എം ഷാജിയുടെ പരാമര്ശം മുസ്ലിം ലീഗിന്റെ നിലപാടല്ലെന്ന് പാര്ട്ടി ജനറല് സെക്രട്ടറി പി എം എ സലാം. പൊതുയോഗത്തില് ഒരാള് പ്രസംഗിക്കുന്നത് എങ്ങനെ പാര്ട്ടി നിലപാടാകുമെന്ന് അദ്ദേഹം ചോദിച്ചു.
മാധ്യമപ്രവര്ത്തകരുടെ മുന്നില് പ്രതികരിക്കുന്നത് പോലെയല്ല പൊതുയോഗത്തില് പറയുന്നത്. അതേ സമയം, ഷാജിയുടെ ഭാഗത്ത് നിന്ന് അങ്ങനെയൊരു പ്രസ്താവനയുണ്ടാകാനിടയായ സാഹചര്യം പരിശോധിക്കുമെന്നും പി എം എ സലാം പറഞ്ഞു.
അന്തവും കുന്തവം തിരിയാത്ത ഒരു സാധനമാണ് ഇപ്പോഴത്തെ ആരോഗ്യമന്ത്രിയെന്നായിരുന്നു കെ എം ഷാജിയുടെ പരാമര്ശം. മുഖ്യമന്ത്രിയെ പുകഴ്ത്താനുള്ള പ്രസംഗമാണ് ആരോഗ്യമന്ത്രിയാകാനുള്ള യോഗ്യതയെന്നും കെ എം ഷാജി പറഞ്ഞിരുന്നു. ആരോഗ്യമന്ത്രിക്ക് ഒരു കുന്തവും അറിയില്ല. വീണാ ജോര്ജ് ഷോ കളിച്ച് മുഖ്യമന്ത്രിയെ പുകഴ്ത്തി നടക്കുകയാണ്. ശൈലജ ടീച്ചര് പ്രഗത്ഭ അല്ലെങ്കിലും നല്ല ഒരു കോഡിനേറ്റര് ആയിരുന്നുവെന്നും അവരെ വെട്ടിക്കളഞ്ഞുവെന്നും മലപ്പുറം കുണ്ടൂര് അത്താണിയില് മുസ്ലിം ലീഗ് വേദിയില് സംസാരിക്കവെ കെ എം ഷാജി പറഞ്ഞു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
