തിരുവനന്തപുരം: കേരളത്തിനനുവദിച്ച രണ്ടാം വന്ദേഭാരതിന്റെ ഉദ്ഘാടനം പ്രധാനമന്ത്രി നരേന്ദ്ര മോദി ഇന്ന് നിര്വഹിക്കും. ഉച്ചയ്ക്ക് 12.30 നാണ് പ്രധാനമന്ത്രി ഓണ്ലൈനായി ഫ്ലാഗ് ഓഫ് ചെയ്യുക. ഇന്ത്യയില് പുതിയതായി സര്വീസ് തുടങ്ങുന്ന ഒമ്പത് വന്ദേഭാരത് ട്രെയിനുകളുടെയും ഉദ്ഘാടനം ഒരുമിച്ചാണ് നടത്തുന്നത്.
കാസര്കോട് റെയില്വെ സ്റ്റേഷനില് നടക്കുന്ന ചടങ്ങില് കേന്ദ്രമന്ത്രി വി.മുരളീധരന്, രാജ്മോഹന് ഉണ്ണിത്താന് എം.പി. തുടങ്ങിയവര് പങ്കെടുക്കും. ആദ്യ യാത്രയില് തെരഞ്ഞെടുക്കപ്പെട്ട അതിഥികളാണ് ട്രെയിനില് യാത്ര ചെയ്യുന്നത്.
ഒന്നാം വന്ദേഭാരതിന് തിരൂരില് സ്റ്റോപ്പ് അനുവദിക്കാത്തതില് വലിയ പ്രതിഷേധം ഉയര്ന്നിരുന്നു. കണ്ണൂര്,കോഴിക്കോട്, ഷൊര്ണൂര്,തൃശ്ശൂര്,എറണാകുളം ജംങ്ഷന്,ആലപ്പുഴ, കൊല്ലം സ്റ്റേഷനുകള്ക്ക് പുറമെ തിരൂരിലും രണ്ടാം വന്ദേഭാരതിന് സ്റ്റോപ്പ് അനുവദിച്ചു.
കാസര്കോട് നിന്ന് രാവിലെ 7 മണിക്ക് പുറപ്പെട്ട് 3.05 തിരുവനന്തപുരത്തും വൈകുന്നേരം 4.05 ന് തിരുവനന്തപുരത്ത് നിന്ന് പുറപ്പെട്ട് 11.58 ന് കാസര്കോട് എത്തുന്ന രീതിയിലാണ് പുതിയ വന്ദേഭാരതിന്റെ സമയക്രമം.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
