തൊഴിലാളി സംഘടനകളുടെ പ്രവര്ത്തനത്തില് തിരുത്തല് വേണമെന്ന് മുഖ്യമന്ത്രി പിണറായി വിജയന്. സി പി ഐ എം സംസ്ഥാന സമ്മേളനത്തില് നയരേഖ അവതരിപ്പിക്കുന്നതിനിടെയാണ് മുഖ്യമന്ത്രിയുടെ പരാമര്ശം.
നോക്കുകൂലി വാങ്ങുന്നത് ശരിയല്ലെന്നറിഞ്ഞിട്ടും ട്രേഡ് യൂണിയനുകള് അതിപ്പോഴും ചെയ്യുന്നു. തെറ്റാണെന്ന് അറിഞ്ഞ് കൊണ്ട് തന്നെ കുറേ നാളായി ഇതൊക്കെ ചെയ്യുകയാണ്. ഇക്കാര്യത്തില് തിരുത്തല് വേണം. ഈ രീതി തുടര്ന്നാല് പല മേഖലകളേയും അത് ബാധിക്കുമെന്നും മുഖ്യമന്ത്രി പിണറായി വിജയന് പറഞ്ഞു.
പൊതുസ്വകാര്യ പങ്കാളിത്ത മാതൃകയില് സംസ്ഥാനത്ത് വന്കിട വിദ്യാഭ്യാസ സ്ഥാപനങ്ങള് വേണമെന്ന് സിപിഎം നയരേഖ പറയുന്നു.
സഹകരണ മേഖലയിലും സ്വകാര്യ മേഖലയിലും വന്കിട വിദ്യാഭ്യാസ ഗവേഷണ സ്ഥാപനങ്ങള് വേണം. ഉന്നത വിദ്യാഭ്യാസ മേഖലയെ ഉത്പാദന മേഖലയുമായി ബന്ധിപ്പിക്കണം. വ്യവസായ സൗഹൃദ അന്തരീക്ഷം ഒരുക്കണമെന്നും നയരേഖയില് പറയുന്നു.
