കൊല്ലം: സ്ത്രീധന പീഡനത്തെത്തുടര്ന്ന് വിസ്മയ ആത്മഹത്യ ചെയ്ത കേസില് പ്രതിയും വിസ്മയയുടെ ഭര്ത്താവുമായ കിരണ് കുമാറിന് ജാമ്യം ലഭിച്ചു. സുപ്രീംകോടതിയാണ് കിരണ് കുമാറിന് ജാമ്യം അനുവദിച്ചത്. ജസ്റ്റിസ് സഞ്ജയ് കിഷന് കൗള്, ജസ്റ്റിസ് എം എം സുന്ദരേഷ് എന്നിവരടങ്ങിയ ബെഞ്ചാണ് പ്രതിക്ക് ജാമ്യം അനുവദിച്ചത്. ഏഴ് ദിവസത്തെ ജാമ്യത്തിനായാണ് കിരണ് കുമാര് സുപ്രീംകോടതിയെ സമീപിച്ചത്. അഭിഭാഷകനായ പ്രകാശാണ് കിരണിന് ഹര്ജി അനുവദിച്ചത്.
പ്രതിക്ക് ജാമ്യം നല്കിയാല് സാക്ഷികളെ സ്വാധീനിക്കും എന്ന കേരള സര്ക്കാരിന്റെ വാദം തള്ളിയാണ് കോടതി ഈ നിരീക്ഷണം നടത്തിയത്. കിരണിന്റെ ജാമ്യ വ്യവസ്ഥകള് വിചാരണക്കോടതിക്ക് തീരുമാനിക്കാമെന്നും കോടതി വിധിയില് വ്യക്തമാക്കിയിട്ടുണ്ട്.
2021 ജൂണ് 21നാണ് വിസ്മയയെ ഭര്തൃവീട്ടില് മരിച്ചനിലയില് കണ്ടെത്തിയത്. ബിഎഎംഎസ് വിദ്യാര്ഥിനിയായിരുന്ന വിസ്മയയുടെ മരണത്തിനുപിന്നാലെ, അസി. മോട്ടര് വെഹിക്കിള് ഇന്സ്പെക്ടര് ആയിരുന്ന എസ്.കിരണ്കുമാറിനെ അറസ്റ്റ് ചെയ്തു.
