ഉത്തരകാശി തുരങ്ക അപകടത്തില് കുടുങ്ങിയ തൊഴിലാളികളുടെ ദൃശ്യങ്ങള് പുറത്ത്. കണ്ണുകളില് പ്രതീക്ഷയുമായി തലയില് ഹെല്മറ്റ് ധരിച്ച തൊഴിലാളികളെ വീഡിയോയില് കാണാം. തൊഴിലാളികളെ രക്ഷിക്കാനുള്ള അശ്രാന്ത പരിശ്രമത്തിലാണ് രക്ഷാദൗത്യം. രക്ഷാപ്രവര്ത്തനം പത്താം ദിവസത്തിലേക്ക് കടന്നു. ഡ്രില്ലിംഗ് മെഷീന് ഉപയോഗിച്ചുള്ള രക്ഷാദൗത്യം ഉച്ചയോടെ ആരംഭിക്കും.
തുരങ്കത്തിലൂടെ കടത്തിവിട്ട എന്ഡോസ്കോപ്പിക് ഫ്ലെക്സി ക്യാമറ ദൃശ്യങ്ങളാണ് പുറത്തു വന്നത്. തുരങ്കത്തില് കുടുങ്ങിയ തൊഴിലാളികളുമായി രക്ഷാപ്രവര്ത്തകര് വാക്കി ടോക്കിയിലൂടെ സംസാരിച്ചു. ഭക്ഷണം, വെള്ളം, മരുന്ന് തുടങ്ങിയവ പൈപ്പിലൂടെ എത്തിച്ചു നല്കി.
ദുരന്തമുഖത്ത് പ്രതീക്ഷയുടെ പുഞ്ചിരിയുമായി നില്ക്കുന്ന തൊഴിലാളികളെ വീഡിയോയില് കാണാം. സില്ക്യാര തുരങ്കം തകര്ന്നതിനെത്തുടര്ന്ന് കഴിഞ്ഞ 10 ദിവസമായി 41 തൊഴിലാളികള് ടണലിനുള്ളില് കുടുങ്ങിക്കിടക്കുകയാണ്. തുരങ്കത്തിന് പുറത്ത് ക്യാമ്പ് ചെയ്യുന്ന ആശങ്കാകുലരായ ബന്ധുക്കള്ക്ക് ആശ്വാസം പകരുന്നതാണ് തൊഴിലാളികളുടെ ദൃശ്യങ്ങള്. തുരങ്കത്തിന്റെ മുകളില്നിന്ന് താഴേക്ക് തുരക്കുന്ന ജോലികള് തുടങ്ങി.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
