HIGHLIGHTS : The body of a five-year-old girl who was killed in Aluva was cremated
കൊച്ചി: ആലുവയില് അതിക്രൂര പീഡനത്തിന് ഇരയായി കൊല്ലപ്പെട്ട അഞ്ചുവയസുകാരിയുടെ മൃതദേഹം സംസ്കരിച്ചു. തായ്ക്കാട്ടുകര സ്കൂളില് രണ്ട് മണിക്കൂറോളം പൊതുദര്ശനത്തിന് വെച്ചതിന് ശേഷം കീഴ്മാട് പഞ്ചായത്ത് ശ്മശാനത്തിലായിരുന്നു സംസ്കാരം. സഹപാഠികളും അധ്യാപകരും നാട്ടുകാരും ഉള്പ്പെടെ നൂറുകണക്കിന് ആളുകളാണ് പെണ്കുട്ടിക്ക് ആദരാഞ്ജലി അര്പ്പിക്കാനായി തായ്ക്കാട്ടുകര സ്കൂളില് എത്തിയത്.
അതേസമയം, പ്രതി അസ്ഫാക് ആലത്തെ ഇന്ന് കോടതിയില് ഹാജരാക്കും. ചോദ്യം ചെയ്യലിനോട് അസ്ഫാക് നിസ്സഹകരണം തുടരുകയാണെന്നും കൃത്യമായ മറുപടി പറയുന്നില്ലെന്ന് പൊലീസ് പറയുന്നു.
കോടതിയില് ഹാജരാക്കി വൈകീട്ടോടെ കസ്റ്റഡിയില് വാങ്ങാനാണ് അന്വേഷണ സംഘത്തിന്റെ തീരുമാനം. പ്രതിയുമായി ബന്ധപ്പെട്ട് ഒരാള് കൂടി കസ്റ്റഡിയിലുണ്ട്. ഇയാള്ക്ക് കുറ്റത്തില് പങ്കുള്ളതായി തെളിഞ്ഞിട്ടില്ല. അസ്ഫാക്കിനെ കൂടാതെ മറ്റാര്ക്കെങ്കിലും കേസില് പങ്കുണ്ടോ എന്ന അന്വേഷണം പൊലീസ് ഊര്ജിതമാക്കിയിട്ടുണ്ട്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു