ദില്ലി: ചലച്ചിത്രതാരം സുശാന്ത് സിങ് രാജ്പുത്തിന്റെ മരണം സിബിഐ അന്വേഷിക്കണമെന്ന് സുപ്രീം കോടതി ഉത്തരവിട്ടു. തനിക്കെതിരായ എഫ്ഐആര് പറ്റ്നയില് നിന്ന് മുംബൈയിലേക്ക് മാറ്റാണമെന്ന് ആവശ്യപ്പെട്ടുകൊണ്ട് നടിയും സുശാന്തിന്റെ കാമുകിയുമായ റിയ ചക്രവര്ത്തി സമര്പ്പിച്ച ഹര്ജിയിലാണ് സുപ്രീംകോടതിയുടെ ഉത്തരവ്. മുംബൈ പോലീസ് സിബിഐ അന്വേഷണത്തോട് സഹകരിക്കണമെന്നും കേസ് ഫയലുകള് ഉള്പ്പെടെയുള്ള വിവരങ്ങള് സിബിഐക്ക് കൈമാറണമെന്നും സുപ്രീംകോടകി നിര്ദേശിച്ചു.
ബീഹാര് പോലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചതിന് പിന്നാലെ കേസ് സിബിഐക്ക് വിടണമെന്ന് ബീഹാര് സര്ക്കാര് കേന്ദ്രത്തോട് ആവശ്യപ്പെട്ടിരുന്നു. ഈ ശുപാര്ശ അംഗീകരിച്ചാണ് കേസ് സിബിഐക്ക് കേന്ദ്രസര്ക്കാര് വിടുന്നത്.
സുശാന്തിന്റെ മരണത്തിന് പിന്നില് കാമുകിയായ റിയ ചക്രവര്ത്തിയാണെന്നാണ് സുശാന്തിന്റെ കുടുംബം ആരോപിക്കുന്നത്.
