തിരുവനന്തപുരം:കേരളത്തിലെ എസ്ഐആര് സമയപരിധി രണ്ടുദിവസത്തേകൂടി നീട്ടി നല്കി സുപ്രീംകോടതി. എന്യുമറേഷന് ഫോം സമര്പ്പിക്കാനുള്ള അവസാന തീയതി ഇതോടെ ഈ മാസം 20 ആകും. എസ്ഐആര് നടപടികളുടെ സമയം കൂടുതല് നീട്ടി നല്കണമെന്ന സംസ്ഥാന സര്ക്കാര് ആവശ്യം ഈമാസം 18 ന് പരിഗണിക്കാമെന്ന് സുപ്രിംകോടതി വ്യക്തമാക്കിയിട്ടുണ്ട്.
നിലവില് കേരളത്തിലെ എസ്ഐആറിനെതിരായ ഹര്ജികള് പരിഗണിച്ചപ്പോള് 20 ലക്ഷം ഫോമുകള് ഇനിയും തിരിച്ചു കൊടുക്കാനുണ്ടെന്ന് സംസ്ഥാന സര്ക്കാര് കോടതിയെ അറിയിച്ചു. ഇതിനായി രണ്ടാഴ്ച കൂടി സമയം നീട്ടി നല്കണമെന്ന് സംസ്ഥാന സര്ക്കാര് ആവശ്യപ്പെട്ടു. സംസ്ഥാന സര്ക്കാരിന്റെ ആവശ്യം തിരഞ്ഞെടുപ്പ് കമ്മീഷന് എതിര്ത്തു. ഈ സാഹചര്യത്തിലാണ് സുപ്രീംകോടതി എനുമറേഷന് ഫോം സമര്പ്പിക്കാനുള്ള അവസാന ദിവസം രണ്ടുദിവസം കൂടി നീട്ടി നല്കിയിരിക്കുന്നത്.
ഈ മാസം 18ന് കേസ് വീണ്ടും പരിഗണിക്കാം എന്നും അന്ന് സമയം നീട്ടി നല്കണോ എന്ന ആവശ്യത്തില് തീരുമാനമെടുക്കാമെന്നും ചീഫ് ജസ്റ്റിസ് സൂര്യകാന്ത് അറിയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
