കേരളത്തില് വേനല്ക്കാലം ആരംഭിക്കുകയും പകല് സമയത്തെ താപനില ക്രമാതീതമായി ഉയരുകയും ചെയ്യുന്ന സാഹചര്യത്തില് വെയിലത്ത് ജോലി ചെയ്യുന്ന തൊഴിലാളികളുടെ ജോലി സമയം മെയ് 20 വരെ പുന:ക്രമീകരിച്ചു.
പകല് വെയിലത്ത് ജോലി ചെയ്യുന്ന എല്ലാ തൊഴിലാളികള്ക്കും ഉച്ചക്ക് 12 മുതല് മൂന്ന് വരെ വിശ്രമവേളയാകും. ഇവരുടെ ജോലി സമയം രാവിലെ ഏഴ് മുതല് വൈകീട്ട് ഏഴ് വരെയുള്ള സമയത്തിനുള്ളില് എട്ട് മണിക്കൂറായി നിജപ്പെടുത്തി. ഷിഫ്റ്റ് അടിസ്ഥാനത്തില് ജോലി ചെയ്യുന്ന തൊഴിലാളികള്ക്ക് രാവിലത്തെ ഷിഫ്റ്റ് ഉച്ചക്ക് 12ന് അവസാനിക്കുന്ന തരത്തിലും ഉച്ചക്ക് ശേഷമുള്ള ഷിഫ്റ്റ് വൈകീട്ട് മൂന്നിന് ആരംഭിക്കുന്ന തരത്തിലും പുന:ക്രമീകരിച്ചു.
തൊഴിലിടങ്ങളില് പരിശോധനകള്ക്ക് പ്രത്യേക സ്ക്വാഡുകളെ നിയോഗിച്ചിട്ടുണ്ടെന്നും നിയമം ലംഘിക്കുന്നവര്ക്കെതിരെ കര്ശന നടപടി സ്വീകരിക്കുമെന്നും ജില്ലാ ലേബര് ഓഫീസര് (എന്ഫോഴ്സ്മെന്റ്) അറിയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
