കോവിഡ് 19 രോഗനിര്വ്യാപന പ്രതിരോധ പ്രവര്ത്തനങ്ങളുടെ ഭാഗമായി പ്രതിവാര ഇന്ഫക്ഷന് പേപ്പുലേഷന് റേഷ്യോ അടിസ്ഥാനമാക്കി നിയന്ത്രണങ്ങള് ജില്ലയില് കൂടുതല് കര്ശനമായി നടപ്പാക്കുമെന്ന് ജില്ലാ കലക്ടര് കെ. ഗോപാലകൃഷ്ണന് അറിയിച്ചു. പ്രതിവാര ഇന്ഫക്ഷന് പേപ്പുലേഷന് റേഷ്യോ എട്ടില് കൂടുതലുള്ള പഞ്ചായത്തുകളിലും നഗരസഭാ വാര്ഡുകളിലും പ്രത്യേകമായി കര്ശന ലോക്ക് ഡൗണ് നിയന്ത്രണങ്ങള് തുടരും. 2005 ലെ ദുരന്തനിവാരണ നിയമം 26(2), 30(2),(5), 34 എന്നിവ പ്രകാരമാണ് ജില്ലാ ദുരന്തനിവാരണ അതോറിറ്റി ചെയര്മാന് കൂടിയായ ജില്ലാ കലക്ടറുടെ ഉത്തരവ്. പുതിയ നിയന്ത്രണങ്ങള് വ്യാഴാഴ്ച മുതല് ഒരാഴ്ച നിലനില്ക്കും. ജില്ലയില് കോവിഡ് വ്യാപനം രൂക്ഷമായി തുടരുന്ന സാഹചര്യത്തിലും ടെസ്റ്റ് പോസ്റ്റിവിറ്റി നിരക്ക് ഉയര്ന്ന് നില്ക്കുന്നതിനാലും രോഗ വ്യാപനം കൂടിയ മേഖലകളില് കര്ശന നിയന്ത്രണങ്ങള് ഏര്പ്പെടുത്തേണ്ടത് അനിവാര്യമാണന്ന് ജില്ലാ കലക്ടര് പറഞ്ഞു.
