HIGHLIGHTS : Stay on appointment of Priya Varghese; Kannur VC will approach High Court
തിരുവനന്തപുരം : കണ്ണൂര് സര്വകലാശാലയിലെ മലയാളം വിഭാഗം അസോസിയേറ്റ് പ്രഫസര് പ്രിയ വര്ഗീസിന്റെ നിയമനം സ്റ്റേ ചെയ്ത് ഗവര്ണര്. നിയമന ഉത്തരവ് രണ്ട് ദിവസത്തിനകം പുറപ്പെടുവിക്കുമെന്ന് വൈസ് ചാന്സലര് ഡോ ഗോപിനാഥ് രവീന്ദ്രന് പറഞ്ഞതിന് പിന്നാലെയാണ് ഗവര്ണറും സര്വകലാശാല ചാന്സലറുമായ ആരിഫ് മുഹമ്മദ് ഖാന് റാങ്ക് പട്ടിക മരവിപ്പിച്ചത്. മലയാളം അസോസിയേറ്റ് പ്രൊഫസറായി പ്രിയ വര്ഗീസിന് ഒന്നാം റാങ്ക് നല്കിയുള്ള കണ്ണൂര് സര്വ്വകലാശാല ജൂലൈ 27 ന് ഇറക്കിയ വിജ്ഞാപനം മരവിപ്പിച്ചു.
വിസി അടക്കമുള്ള ബന്ധപ്പെട്ടവര്ക്ക് കാരണം കാണിക്കല് നോട്ടീസ് നല്കി. യുജിസി നിഷ്ക്കര്ഷിക്കുന്ന എട്ടു വര്ഷത്തെ അധ്യാപന പരിചയം ഇല്ല എന്ന സേവ് യൂണിവേഴ്സിറ്റി ക്യാമ്പയിന് കമ്മിറ്റിയുടെ പരാതി കണക്കിലെടുത്താണ് കടുത്ത നടപടി.
ഗവര്ണറുടെ നടപടി ചോദ്യം ചെയ്ത് കണ്ണൂര് വി സി നാളെ ഹൈക്കോടതിയെ സമീപിക്കും. നടപടി ക്രമം പാലിക്കാതെ ആണ് സ്റ്റേ എന്നാണ് വാദം.
നിയമനം നടത്തിയത് സര്വകലാശാലയെന്നും മറുപടി പറയേണ്ടത് വിസിയാണെന്നും മന്ത്രി ആര് ബിന്ദു പറഞ്ഞു. നിയമനം നടത്തിയത് സര്ക്കാരല്ല. നിയമനവുമായി സര്ക്കാര് യാതൊരു തരത്തിലും ബന്ധപ്പെടുന്നില്ല. യൂണിവേഴ്സിറ്റികളാണ് നിയമനം നടത്തുന്നത്. നിയമപ്രകാരം മാത്രമേ നിയമനം നടത്താന് സാധിക്കുകയുള്ളുവെന്നും മന്ത്രി പറഞ്ഞു.