HIGHLIGHTS : Sixteen-year-old girl goes missing from Bengal in Malappuram; The young man is in custody
മലപ്പുറം: ബംഗാളില് നിന്ന് കാണാതായ പെണ്കുട്ടിയെ മലപ്പുറം വാഴക്കാട് നിന്ന് കണ്ടെത്തി. ബംഗാള് സ്വദേശിയായ യുവാവിനൊപ്പം താമസിച്ചുവരികയായിരുന്ന പെണ്കുട്ടിയെ ചൈല്ഡ് ലൈനും പോലീസും ചേര്ന്നാണ് കണ്ടെത്തി. യുവാവിനെ വാഴക്കാട് പോലീസ് കസ്റ്റഡിയിലെടുത്തു.
![](https://malabarinews.com/wp-content/uploads/2024/06/auto-caught-fire.jpg)
![](https://malabarinews.com/wp-content/uploads/2020/07/careertech.jpg)
ബംഗാള് സ്വദേശിനിയായ പ്രായപൂര്ത്തിയാവാത്ത പെണ്കുട്ടിയെ കാണാനില്ലെന്ന വിവരം നാഷനല് ചൈല്ഡ് റൈറ്റ്സ് കമ്മിഷനാണ് പോലീസിനെ അറിയിച്ചത്. പെണ്കുട്ടിയെ മലപ്പുറം ജില്ലയിലേക്ക് കൊണ്ടു വന്നതായി സംശയിക്കുന്നതായും നാഷനല് ചൈല്ഡ് റൈറ്റ്സ് കമ്മിഷന് അറിയിച്ചിരുന്നു.
![](https://malabarinews.com/wp-content/uploads/2021/11/sameeksha.jpg)
ചൈല്ഡ് ലൈന് പ്രവര്ത്തകര് നടത്തിയ അന്വേഷണത്തില് പെണ്കുട്ടി ബംഗാള് സ്വദേശിയായ ഒരാള്ക്കൊപ്പം വാഴക്കാട് വാടക ക്വാര്ട്ടേഴ്സില് താമസിക്കുന്നതായി കണ്ടെത്തി. ഭാര്യയുമായി ബന്ധം പിരിഞ്ഞ യുവാവ് ബംഗാളില് പോയി തിരിച്ചു വന്നപ്പോള് പ്രായപൂര്ത്തിയാവാത്ത ഈ പെണ്കുട്ടിയേയും കൂട്ടികൊണ്ടുവരികയായിരുന്നു. പെണ്കുട്ടിയെ കാണാനില്ലെന്നു കാണിച്ച് രക്ഷിതാക്കള് ബംഗാള് പോലീസിന് പരാതി നല്കിയിരുന്നു.