തൃശൂര് ഗവണ്മെന്റ് എഞ്ചിനിയറിംഗ് കോളേജ് വിദ്യാര്ത്ഥിനിക്ക് ഷിഗെല്ല സ്ഥിരീകരിച്ചു. കോളേജില് അടുത്ത മൂന്ന് ദിവസങ്ങളിലായി നടത്താനിരുന്ന കോളേജ് യൂണിയന് കലോത്സവം മാറ്റിവച്ചു. രോഗ വ്യാപന സാധ്യത കണക്കിലെടുത്താണിത്.
ഹോസ്റ്റലില് താമസിക്കുന്ന വിദ്യാര്ഥിക്കാണ് രോഗം സ്ഥിരീകരിച്ചത്. രണ്ട് ദിവസം മുമ്പ് ലക്ഷണങ്ങള് കണ്ടെത്തിയതിനെത്തുടര്ന്ന് നടത്തിയ പരിശോധനയിലാണ് ഷിഗെല്ല രോഗം സ്ഥിരീകരിച്ചത്. കൂടുതല് കുട്ടികളിലേക്ക് രോഗം പടരാതിരിക്കാന് പെണ്കുട്ടിയെ കരുതല് നിരീക്ഷണത്തിലാക്കിയിട്ടുണ്ട്. രോഗവ്യാപനം തടയുന്നതിന് ആരോഗ്യ വകുപ്പ് ഉദ്യോഗസ്ഥരെത്തി മാര്ഗ്ഗനിര്ദ്ദേശങ്ങള് നല്കി.
രോഗ ലക്ഷണങ്ങളുള്ളവര് വേഗത്തില് പരിശോധനയ്ക്ക് വിധേയരാകണമെന്നും ആരോഗ്യ വകുപ്പ് നിര്ദ്ദേശിച്ചു. രോഗബാധയുണ്ടാകാനുള്ള കാരണം ആരോഗ്യവകുപ്പ് പരിശോധിച്ചുവരുകയാണ്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
