തിരുവനന്തപുരം: റീ ബില്ഡ് വയനാടിനായുള്ള സാലറി ചലഞ്ച് സംബന്ധിച്ച് സംസ്ഥാന സര്ക്കാര് ഉത്തരവിറക്കി. ചുരുങ്ങിയത് അഞ്ച് ദിവസത്തെ ശമ്പളം നല്കണമെന്ന അഭ്യര്ഥനയുമായാണ് മാര്ഗനിര്ദേശം ഉത്തരവാക്കിയിറക്കിയിരിക്കുന്നത്. ഇതിനായുള്ള സമ്മതപത്രം കൈമാറണമെന്നുമാണ് സര്ക്കാര് ഉത്തരവിട്ടത്. ഇത്തരത്തില് കിട്ടുന്ന തുക ഒരു പ്രത്യേക അക്കൗണ്ടിലേക്ക് മാറ്റും. പരമാവധി മൂന്ന് ഗഡുക്കളായി തുക നല്കണമെന്നും സമ്മതപത്രം നല്കുന്ന ജീവനക്കാരില് നിന്ന് അടുത്ത മാസത്തെ ശമ്പളം മുതല് പണം നല്കാമെന്നാണ് ഉത്തരവില് വ്യക്തമാക്കുന്നത്.
സാലറി ചലഞ്ച് സംബന്ധിച്ച് സര്വ്വീസ് സംഘടനകളുടെ യോഗം വിളിച്ച് മുഖ്യമന്ത്രി ചര്ച്ച നടത്തിയിരുന്നു. കുറഞ്ഞത് ആയിരം കോടി രൂപയെങ്കിലും വയനാട്ടിലെ പുനരധിവാസത്തിനാായി വേണ്ടിവരുമെന്നാണ് മുഖ്യമന്ത്രി സംഘടനാ പ്രതിനിധികളെ അറിയിച്ചത്. പത്ത് ദിവസത്തെ ശമ്പളം നല്കേണ്ടി വരുമെന്നാണ് മുഖ്യമന്ത്രി ആവശ്യപ്പെട്ടതെങ്കിലും സംഘടനാ പ്രതിനിധികള് അഞ്ച് ദിവസത്തെ ശമ്പളം നല്കാമെന്ന ധാരണയിലെത്തിച്ചു.
ശമ്പള വിഹിതം നിര്ബന്ധമാക്കി ഉത്തരവിടരുതെന്നാണ് സര്വ്വീസ് സംഘടനകള് ആവശ്യപ്പെട്ടത്. താത്പര്യമുള്ളവരില് നിന്ന് തുക ഈടാക്കണമെന്നും ഗഡുക്കളായി നല്കാന് അവസരം ഒരുക്കണമെന്നും സംഘടനകള് ആവശ്യപ്പെട്ടിരുന്നു. ഇത് പ്രകാരമാണ് സര്ക്കാര് ഉത്തരവിട്ടത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
