HIGHLIGHTS : Sabarimala Pilgrimage; Mini Pampa will provide facilities; The meeting was held under the chairmanship of KT Jalil MLA
ശബരിമല തീര്‍ത്ഥാടകരുടെ ജില്ലയിലെ പ്രധാന ഇടത്താവളങ്ങളിലൊന്നായ
കുറ്റിപ്പുറം മിനി പമ്പയില്‍ സൗകര്യങ്ങള്‍ ഒരുക്കാന്‍ കെ.ടി.ജലീല്‍ എം.എല്‍.എ.യുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി.
തീര്‍ത്ഥാടകര്‍ക്ക് വിരിവെക്കാനും വിശ്രമിക്കാനും മല്ലൂര്‍ ക്ഷേത്രത്തിന് ഉള്ളില്‍ സൗകര്യം കണ്ടെത്തും. കടവില്‍ മണല്‍ ചാക്ക് ഒരുക്കിയും , സുരക്ഷ വേലി സ്ഥാപിച്ചും കുളിക്കാന്‍ സൗകര്യം ഒരുക്കുന്നതിനൊപ്പം വെളിച്ച സംവിധാനങ്ങളും ഒരുക്കും.
കുറ്റിപ്പുറം എടപ്പാള്‍ സംസ്ഥാന പാതയിലെ റോഡരിക് കയ്യേറിയുള്ള വഴിയോര കച്ചവടങ്ങള്‍ പൂര്‍ണമായും ഒഴിപ്പിച്ച് കുറ്റിക്കാടുകള്‍ വെട്ടിയൊതുക്കി വാഹനങ്ങള്‍ പാര്‍ക്ക് ചെയ്യുന്നതിന് സൗകര്യം ഒരുക്കും.ഫയര്‍ ഫോഴ്‌സ്, പോലീസ് , ഡോക്ടര്‍ എന്നിവരുടെ സേവനം 24 മണിക്കുറും സ്ഥലത്ത് ലഭ്യമാക്കും.
കുറ്റിപ്പുറം ആഹാറില്‍ ചേര്‍ന്ന എ.ഡി.എം മെഹറലി, ഡെപ്യൂട്ടി കലക്ടര്‍ ടി മുരളി, ഡി.ടി.പി .സി സെക്രട്ടറി വിപിന്‍ ചന്ദ്രന്‍ , ഡെപ്യൂട്ടി തഹസില്‍ദാര്‍ സുകേഷ് ടി , എന്‍ എച്ച് ഉദ്യോഗസ്ഥര്‍ , പഞ്ചായത്ത് സെക്രട്ടറി തുടങ്ങിയവര്‍ പങ്കെടുത്തു.
