കൊച്ചി: റിയാസ് മൗലവി വധകേസില് വിചാരണ കോടതി വിധിക്കെതിരെ സംസ്ഥാന സര്ക്കാര് ഹൈക്കോടതിയില് അപ്പീല് നല്കി.
വിചാരണ കോടതി ഉത്തരവ് നിയമ വിരുദ്ധമാണെന്നു ചൂണ്ടിക്കാട്ടിയാണ് അപ്പീല് നല്കിയത്.
പ്രോസിക്യൂഷന് ശക്തമായ തെളിവുകള് ഹാജരാക്കിയിട്ടും പ്രതികളെ വെറുതെ വിടാന് ദുര്ബലമായ കാരണങ്ങള് വിചാരണ കോടതി കണ്ടെത്തി. വിചാരണ കോടതി ഉത്തരവ് ഞെട്ടിക്കുന്നതെന്നും സര്ക്കാര് ഹര്ജിയില് ആരോപിച്ചു. ശാസ്ത്രീയ തെളിവുകള് വിചാരണ കോടതി അവഗണിച്ചു എന്നും അപ്പീലില് ആരോപിക്കുന്നു.
പ്രതികളായ കാസര്കോട് കേളുഗുഡ്ഡെ സ്വദേശികളായ അജേഷ് എന്ന അപ്പു (27), നിതിന്കുമാര് എന്ന നിതിന് (26), കേളുഗുഡ്ഡെ ഗംഗെ നഗറിലെ അഖിലേഷ് എന്ന അഖിലു (32) എന്നിവരെ വിട്ടയച്ച കാസര്കോട് ജില്ലാ പ്രിന്സിപ്പല് സെഷന്സ് കോടതി വിധിക്കെതിരെയാണു സര്ക്കാര് ഹൈക്കോടതിയില് അപ്പീല് നല്കിയത്. കൊലപാതകം സംബന്ധിച്ചു പ്രതികളുടെ പങ്ക് തെളിയിക്കുന്നതില് പ്രോസിക്യൂഷന് പരാജയപ്പെട്ടെന്നു വിലയിരുത്തിയാണു പ്രതികളെ വിചാരണ കോടതി വെറുതേവിട്ടത്. പ്രതികള്ക്കു മുസ്ലിം സമുദായത്തോടുള്ള വെറുപ്പാണു കൊലപാതകത്തിനു പിന്നിലെന്ന വാദവും ഇവര് ആര്എസ്എസ് പ്രവര്ത്തകരാണെന്ന വാദവും തെളിയിക്കാന് പ്രോസിക്യൂഷനു കഴിഞ്ഞില്ലെന്നും വിചാരണ കോടതി വിലയിരുത്തിയിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
