ദിവസേന ഇന്ധനവില കൂടിക്കൊണ്ടിരിക്കുന്ന ഈ സമയത്ത് വാഹനരംഗത്ത് പുത്തന് വിപ്ലവങ്ങള്ക്കാണ് കേന്ദ്രവും സംസ്ഥാനസര്ക്കാരുകളും രൂപം കൊടുക്കുന്നത്. ഇലക്ട്രിക് വാഹനങ്ങളെ പ്രോത്സാഹിപ്പിക്കുന്നതിനുള്ള പുത്തന് പദ്ധതികള്. ഇന്ന് രാജ്യത്ത് 350 ഇവി ചാര്ജിംഗ് സ്റ്റേഷനുകള് കൂടി ഒരുക്കിയിരിക്കുകയാണെന്നാണ് റിപ്പോര്ട്ടുകള്.
ഇലക്ട്രിക് വാഹന വിപണിയെ പ്രോത്സാഹിപ്പിക്കുന്നതിന് കൂടുതല് സബ്സിഡികളും മറ്റും പ്രഖ്യാപിച്ചതിന് പിന്നാലെയാണ് ഈ നീക്കം. ഒപ്പം കൂടുതല് ചാര്ജ്ജിംഗ് സ്റ്റേഷനുകള്ക്കായി 500 കോടിയോളം രൂപ വകയിരുത്തിയിട്ടുണ്ടെന്നാണ് റിപ്പോര്ട്ടുകള്. ഫെയിം 11 പദ്ധതി വിപുലീകരിക്കുന്നതിന്റെ ഭാഗമായാണ് ഛത്തീസ്ഗഡ്, മഹാരാഷ്ട്ര, ഗുജറാത്ത്, രാജസ്ഥാന്, ഡല്ഹി, കര്ണാടക, ഗോവ, ആന്ധ്രാപ്രദേശ് തുടങ്ങിയ സംസ്ഥാനങ്ങളില് പുതുതായി 350 ഓളം ഇവി ചാര്ജിംഗ് സ്റ്റേഷനുകള് ഒരുക്കിയതെന്ന് ഓട്ടോ കാര് ഇന്ത്യ റിപ്പോര്ട്ട് ചെയ്യുന്നു.
ഫെയിം ഇന്ത്യ സ്കീമിന്റെ ഒന്നാം ഘട്ടത്തില് രാജ്യത്തുടനീളം 520 ചാര്ജിംഗ് സ്റ്റേഷനുകള്ക്കായി 43.4 കോടി രൂപയായിരുന്നു അനുവദിച്ചിരുന്നത്. ഇതിനുപുറമെ ഇന്ത്യയിലെ 68 നഗരങ്ങളിലായി 2,877 ഇവി ചാര്ജിംഗ് സ്റ്റേഷനുകള് ഒരുക്കുന്നതിന് 500 കോടി രൂപയും അനുവദിച്ചു. 2015 ഏപ്രിലില് ഇവി നയം ആരംഭിച്ചതുമുതല് 2021 ജൂലൈ 9 വരെ 3,61,000 ഇലക്ട്രിക് വാഹനങ്ങള്ക്കായി 600 കോടി രൂപയുടെ സഹായങ്ങളാണ് നല്കിയതെന്നാണ് റിപ്പോര്ട്ടുകള്.
