ഹൈദരാബാദ്: ഈനാട് ഗ്രൂപ്പ് എംഡിയും റാമോജി റാവും ഫിലിം സിറ്റി സ്ഥാപകനുമായ റാമോജി റാവു(87) അന്തരിച്ചു. ശ്വാസതടസത്തെ തുടര്ന്ന് ഹൈദരാബാദിലെ ആശുപത്രിയില് ചികിത്സയിലായിരുന്നു. ലോകത്തിലെ ഏറ്റവും വലിയ ചലച്ചിത്ര നിര്മ്മാണ കേന്ദ്രമായ റാമോജി ഫിലിം സിറ്റി, 1983 ല് സ്ഥാപിതമായ ചലച്ചിത്ര നിര്മ്മാണ കമ്പനിയായ ഉഷാകിരന് മൂവീസ് എന്നിവയുടെ ഉടമസ്ഥതയുള്ള റാമോജി ഗ്രൂപ്പിന്റെ തലവനാണ് രാമോജി റാവു.
നാലു ഫിലിംഫെയര് അവാര്ഡുകളും ദേശീയ ചലച്ചിത്ര അവാര്ഡും നേടിയിട്ടുണ്ട്. വിദ്യാഭ്യാസ, പത്രപ്രവര്ത്തകന്, മാധ്യമ സംരംഭകന് എന്നീ നിലകളില് വ്യക്തിമുദ്ര പതിപ്പിച്ച വ്യക്തിയാണ്. 2016 ല് ഏറ്റവും ഉയര്ന്ന രണ്ടാമത്തെ സിവിലിയന് ബഹുമതിയായ പത്മവിഭൂഷണ് നല്കി രാജ്യം അദ്ദേഹത്തെ ആദരിച്ചു.
ആന്ധ്രാപ്രദേശിലെ കൃഷ്ണ ജില്ലയിലെ പെഡപരുപ്പുടിയില് ഒരു കാര്ഷിക കുടുംബത്തിലാണ് റാവു ജനിച്ചത്.മാര്ഗദര്സി ചിറ്റ് ഫണ്ട്, രാമദേവി പബ്ലിക് സ്കൂള്, പ്രിയ ഫുഡ്സ് എന്നിവയുടെയും സ്ഥാപകനാണ് റാമോജി റാവു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
