തിരുവനന്തപുരം: കേരളത്തില് ഇന്ന് എല്ലാ ജില്ലകളിലും നേരിയ മഴയ്ക്ക് സാധ്യതയെന്ന് കാലാവസ്ഥാ വകുപ്പ്. ആന്ധ്രാ – ഒഡിഷ തീരത്തിന് സമീപം ബംഗാള് ഉള്ക്കടലിന് മുകളിലായി രൂപപ്പെട്ട ന്യുനമര്ദ്ദം ഛത്തിസ്ഗഡ്ന് മുകളില് ചക്രവാതച്ചുഴിയായി ശക്തി കുറഞ്ഞു. കേരളത്തില് അടുത്ത 7 ദിവസം നേരിയ / ഇടത്തരം മഴയ്ക്ക് മാത്രമാണ് സാധ്യതയുള്ളത്. അതേസമയം ഒറ്റപ്പെട്ട സ്ഥലങ്ങളില് സെപ്റ്റംബര് 29 ഞായറാഴ്ച ശക്തമായ മഴക്ക് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
2024 സെപ്റ്റംബര് 29, 30 തീയതികളില് കേരളത്തില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 30 മുതല് 40 കിലോമീറ്റര് വരെ വേഗതയില് (പരമാവധി 50 kmph) ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇടിമിന്നലിന് സാധ്യതയുള്ളതിനാല് ജാഗ്രതാ നിര്ദേശങ്ങള് പാലിക്കണം.
തമിഴ്നാട് തീരത്ത് 27/09/2024 രാത്രി 11:30 വരെ 0.9 മുതല് 1.0 മീറ്റര് വരെ ഉയര്ന്ന തിരമാലയ്ക്കും കള്ളക്കടല് പ്രതിഭാസത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു. തീരദേശവാസികളും മത്സ്യത്തൊഴിലാളികളും ജാഗ്രത പാലിക്കണം.
മത്സ്യത്തൊഴിലാളി ജാഗ്രതാ നിര്ദേശം
26/09/2024: തെക്കന് ബംഗാള് ഉള്ക്കടല്, മധ്യ പടിഞ്ഞാറന് ബംഗാള് ഉള്ക്കടല് ഭാഗങ്ങള്, വടക്കന് ആന്ധ്രപ്രദേശ് തീരം, ഗള്ഫ് ഓഫ് മാന്നാര് , തെക്കന് തമിഴ്നാട് തീരം അതിനോട് ചേര്ന്ന കന്യാകുമാരി പ്രദേശം എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
26/09/2024 & 29/09/2024: തെക്ക് പടിഞ്ഞാറന് അറബിക്കടലിന്റെ പടിഞ്ഞാറന് ഭാഗങ്ങള് അതിനോട് ചേര്ന്ന മധ്യ പടിഞ്ഞാറന് അറബിക്കടല് എന്നിവിടങ്ങളില് മണിക്കൂറില് 45 – 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത.
27/09/2024: തെക്ക് പടിഞ്ഞാറന് ബംഗാള് ഉള്ക്കടലിന്റെ ഭാഗങ്ങള് , മധ്യ പടിഞ്ഞാറന് ബംഗാള് ഉള്ക്കടല് ഗള്ഫ് ഓഫ് മാന്നാര് , തെക്കന് തമിഴ്നാട് തീരവും അതിനോട് ചേര്ന്ന കന്യാകുമാരി പ്രദേശം എന്നിവിടങ്ങളില് മണിക്കൂറില് 35 -45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് ഈ പ്രദേശങ്ങളില് മത്സ്യബന്ധനത്തിന് പോകാന് പാടില്ല.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
