HIGHLIGHTS : Rahul Mangkootatil's anticipatory bail plea adjourned to tomorrow for further arguments
തിരുവനന്തപുരം: ബലാത്സംഗക്കേസില് രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷയില് വിധി ഇന്നില്ല. തുടര്വാദത്തിനായി നാളേക്ക് മാറ്റി. തിരുവനന്തപുരം പ്രിന്സിപ്പല് സെഷന്സ് കോടതിയുടേതാണ് വിധി. വിധി നാളെയുണ്ടാകുമെന്നാണ് വിവരം. അടച്ചിട്ട കോടതി മുറിയില് ഒന്നേമുക്കാല് മണിക്കൂറോളമാണ് കേസില് വാദമുണ്ടായത്.
രാഹുല് മാങ്കൂട്ടത്തിലിനെ പാര്ട്ടിയില് നിന്ന് പുറത്താക്കുമെന്നാണ് റിപ്പോര്ട്ട്. രാഹുലിന്റെ മുന്കൂര് ജാമ്യാപേക്ഷയില് കോടതിയുടെ തീരുമാനം വന്നശേഷമായിരിക്കും നടപടിയുണ്ടാകുക എന്നാണ് വിവരം.
രാഹുല് മാങ്കൂട്ടത്തിലിനെതിരായ ലൈംഗിക പീഡന പരാതിയുമായി ബന്ധപ്പെട്ട രേഖകളില് വിശദമായ പരിശോധന വേണമെന്ന് കോടതി മുന്കൂര് ജാമ്യാപേക്ഷ പരിഗണിക്കുന്നതിനിടെ പറഞ്ഞു. ഇരുഭാഗവും നല്കിയ രേഖകള് പരിശോധിക്കുമെന്നും. എന്നാല് വിധി പറയും വരെ അറസ്റ്റുണ്ടാകില്ലെന്ന ഉറപ്പ് വേണമെന്നും വിധി നീണ്ടുപോയാല് അറസ്റ്റ് തടയണമെന്നും പ്രതിഭാഗം ആവശ്യപ്പെട്ടെങ്കിലും പൊലീസ് നടപടിയില് ഉറപ്പ് നല്കാനാവില്ലെന്ന് പ്രോസിക്യൂഷന് വ്യക്തമാക്കി.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
