HIGHLIGHTS : Welfare pension; from December 15th in observance of Christmas and New Year
തിരുവനന്തപുരം:ക്രിസ്മസ്, പുതു വത്സരം പ്രമാണിച്ച് ഡിസംബറിലെ ക്ഷേമ പെന്ഷന് നേരത്തെ നല്കും. ഈ മാസം 15 മുതല് ക്ഷേമ പെന്ഷന് നല്കാന് ധനവകുപ്പ് ഉത്തരവിറക്കിയിട്ടുണ്ട്.
വര്ധിപ്പിച്ച തുകയായ 2000 രൂപ വീതമാണ് ലഭിക്കുക. ഇതിനായി 1045 കോടി രൂപ ധനകാര്യമന്ത്രി കെ എന് ബാലഗോപാല് അനുവദിച്ചിട്ടുണ്ട്.
62 ലക്ഷത്തോളം പേര്ക്കാണ് പെന്ഷന് ലഭിക്കുന്നത്.26.62 ലക്ഷം പേരുടെ ബാങ്ക് അക്കൗണ്ടില് തുക എത്തും. മറ്റുള്ളവര്ക്ക് സഹകരണ ബാങ്കുകള് വഴി വീട്ടിലെത്തി പെന്ഷന് കൈമാറും. 8.46 ലക്ഷം പേര്ക്കുള്ള കേന്ദ്ര വിഹിതവും സംസ്ഥാന സര്ക്കാര് മുന്കൂര് അനുവദിച്ചിട്ടുണ്ട്.
ഒരുമാസത്തെ ക്ഷേമ പെന്ഷന് നല്കാന് നേരത്തെ 900 കോടിയോളം രൂപയാണ് വേണ്ടിയിരുന്നത്. മാസം 400 രൂപകൂടി വര്ധിച്ചതിനാല് 1050 കോടി രൂപ വേണം. ഗുണഭോക്താക്കളില് പകുതിയോളം പേര്ക്ക് ബാങ്ക് അക്കൗണ്ട് വഴിയും ബാക്കിയുള്ളവര്ക്ക് സഹകരണ ബാങ്കുകള് വഴി വീട്ടിലും പെന്ഷന് എത്തും. ഒമ്പതര വര്ഷത്തെ എല്ഡിഎഫ് ഭരണത്തില് 80, 671 കോടി രൂപയാണ് സര്ക്കാര് പെന്ഷനുവേണ്ടി അനുവദിച്ചത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
