HIGHLIGHTS : തിരുവനന്തപുരം : സംസ്ഥാനത്ത് പള്സ് പോളിയോ തുളളിമരുന്ന് വിതരണം ആരംഭിച്ചു. വട്ടിയൂര്ക്കാവ് കുടുംബാരോഗ്യ കേന്ദ്രത്തില് വെച്ച് ആരോഗ്യ മന്ത്രി കെ.കെ.ശ...
തിരുവനന്തപുരം : സംസ്ഥാനത്ത് പള്സ് പോളിയോ തുളളിമരുന്ന് വിതരണം ആരംഭിച്ചു. വട്ടിയൂര്ക്കാവ് കുടുംബാരോഗ്യ കേന്ദ്രത്തില് വെച്ച് ആരോഗ്യ മന്ത്രി കെ.കെ.ശൈലജ ടീച്ചര് സംസ്ഥാനതല ഉദ്ഘാടനം നിര്വഹിച്ചു.
ഒരു ദിവസം തന്നെ ആയിരക്കണക്കിന് കുട്ടികള്ക്ക് പോളിയോ കൊടുത്തുകൊണ്ട് സമൂഹത്തിനാകെ പോളിയോ പ്രതിരോധം സൃഷ്ടിക്കുക എന്നതാണ് ഈ ഒരു യജ്ഞത്തിന്റെ പ്രധാന ഉദ്ദേശം. പോളിയോ വാക്സിന് വന്നതിന് ശേഷം ഈ രോഗത്തെ സമൂഹത്തില് നിന്നും മാറ്റിനിര്ത്താന് കഴിഞ്ഞു എന്നതാണ് മനുഷ്യ സമൂഹത്തിന്റെ ഏറ്റവും വലിയ നേട്ടം എന്ന് ഉദ്ഘാടനത്തിന് ശേഷം മാധ്യമങ്ങളോട് സംസാരിക്കവെ ആരോഗ്യ മന്ത്രി പറഞ്ഞു.
24,49,222 കുട്ടികള്ക്ക് പോളിയോ പ്രതിരോധ തുള്ളിമരുന്ന് നല്കാന് സംസ്ഥാനത്താകെ 24,690 ബൂത്തുകളാണ് സജ്ജമാക്കിയിട്ടുള്ളത് . വൈകുന്നേരം 5 മണി വരെയാണ് തുള്ളിമരുന്ന് നല്കുന്നത്.കോവിഡ് മാനദണ്ഡങ്ങള് പാലിച്ചാണ് പോളിയോ വിതരണം. വാക്സിനേഷന് കേന്ദ്രങ്ങളില് എത്തുന്നവര് മാസ്ക് ധരിക്കുക, കൈകളുടെ ശുചിത്വം ഉറപ്പാക്കുക, സാമൂഹിക അകലം പാലിക്കുക തുടങ്ങി കോവിഡ് പ്രതിരോധ മാര്ഗനിര്ദേശങ്ങള് കര്ശനമായി പാലിക്കണം എന്ന നിര്ദേശമുണ്ട്.