HIGHLIGHTS : Prime Minister Narendra Modi dedicated the Tripunithura terminal to the nation
കൊച്ചി: തൃപ്പൂണിത്തുറ ടെര്മിനല് പ്രധാനമന്ത്രി നരേന്ദ്ര മോദി നാടിന് സമര്പ്പിച്ചു. ഓണ്ലൈനായാണ് പ്രധാനമന്ത്രി ഉദ്ഘാടനം നിര്വ്വഹിച്ചത്. കൊച്ചി മെട്രോയുടെ ഒന്നാം ഘട്ടത്തിലെ അവസാന സ്റ്റേഷനാണ് ഇന്ന് പ്രധാനമന്ത്രി ഉദ്ഘാടനം ചെയ്തത്. ഭിന്നശേഷിയുള്ള കുട്ടികളുമായി ആദ്യ ട്രെയിന് ആലുവയിലേക്ക് പുറപ്പെട്ടു. ഇന്ന് തന്നെ പൊതുജനങ്ങള്ക്കായി തൃപ്പൂണിത്തുറയില് നിന്ന് ട്രെയിന് സര്വ്വീസ് ആരംഭിക്കും. മന്ത്രി പി രാജീവ്, ഹൈബി ഈഡന് എംപി തുടങ്ങിയവര് ചടങ്ങിന് സാക്ഷ്യം വഹിച്ചു.
ആലുവ മുതല് തൃപ്പൂണിത്തുറ ടെര്മിനല് വരെ 75 രൂപയാണ് ടിക്കറ്റ് നിരക്ക്. എന്നാല് ഇന്ന് ഉദ്ഘാടനത്തോടനുബന്ധിച്ച് ആലുവയില് നിന്ന് എസ്എന് ജംഗ്ഷനിലേക്കുള്ള യാത്രാ നിരക്കായ 60 രൂപ തന്നെയായിരിക്കും തൃപ്പൂണിത്തുറ വരെ ഈടാക്കുക.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു